|
ຜູ້ນຳຈີນມຽນມາຕ່າງຝາກໂທລະເລກອວຍພອນແກ່ກັນສະຫລອງວັນສ້າງສາຍສຳພັນການທູດຄົບຮອບ 55 ປີ
cri
Author: mo
ຕາມຂ່າວສານຊີນຮວາ: ວັນທີ 8 ມິຖຸນາ, ທ່ານຫູຈິນທາວ ປະທານປະເທດຈີນກັບທ່ານພົນເອກພິເສດດານສ໌ວີ ປະທານຄະນະກຳມະການສັນຕິພາບແລະການພັດທະນາແຫ່ງຊາດມຽນມາຕ່າງຝາກໂທລະເລກອວຍພອນແກ່ກັນ, ສະຫລອງສອງປະເທດສ້າງສາຍສຳພັນການທູດຄົບຮອບ 55 ປີ.
ໃນໂທລະເລກອວຍພອນ, ທ່ານຫູຈິນທາວກ່າວວ່າ, ຈີນຖະນຸຖະໜອມມິດຕະພາບທີ່ມີມູນເຊື້ອລະຫວ່າງຈີນມຽນມາ, ຍິນດີພ້ອມກັນກັບມຽນມາທຳຄວາມພະຍາຍາມ, ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດໃນທຸກຂົງເຂດຕື່ມອີກ, ຊຸກຍູ້ການພົວພັນຮ່ວມມືຖານບ້ານໃກ້ເຮືອນຄຽງລະຫວ່າງຈີນມຽນມາໃນສະຕະວັດໃໝ່ຂະຫຍາຍຕົວລົງສູ່ລວງເລິກ, ເປັນບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ແລະໝູ່ຄູ່ທີ່ດີ.
ໃນໂທລະເລກອວຍພອນຂອງທ່ານດານສ໌ວີຝາກໄປຍັງທ່ານຫູຈິນທາວນັ້ນ, ທ່ານກ່າວວ່າ, ແຕ່ສອງປະເທດສ້າງສາຍສຳພັນການທູດເປັນຕົ້ນມາ, ການຮ່ວມມືຢ່າງມີໄມຕີຈິດລະຫວ່າງມຽນມາຈີນໄດ້ຂະຫຍາຍຕົວລົງສູ່ລວງເລິກ, ຂົງເຂດການຮ່ວມມືເປີດກວ້າງອອກເລື້ອຍໆ. ມຽນມາຫວັງຢ່າງຈິງໃຈວ່າ, ຈະຮ່ວມມືຢ່າງສະໜິດແໜ້ນກັບຈີນຕໍ່ໄປ. ເຊື່ອວ່າ, ການລະລຶກສອງປະເທດສ້າງສາຍສຳພັນການທູດຄົບຮອບ 55 ປີຈະຍົກມິດຕະພາບຂອງສອງປະເທດທີ່ມີຢູ່ແລ້ວນັ້ນຂຶ້ນສູ່ລະດັບໃໝ່.
|
|
