|
ຜູ້ນຳຈີນຟິລິບປິນຕ່າງຝາກໂທລະເລກອວຍພອນວັນສ້າງສາຍສຳພັນການທູດຄົບຮອບ 30 ປີ
cri
Author: mo
ຕາມຂ່າວສານຊີນຮວາ: ວັນທີ 9 ມິຖຸນາ, ທ່ານຫູຈິນທາວ ປະທານປະເທດຈີນກັບທ່ານນາງອາໂລໂຢ ປະທານາທິບໍດີຟິລິບປິນຕ່າງຝາກໂທລະເລກແກ່ກັນ, ອວຍພອນການສ້າງສາຍສຳພັນການທູດລະຫວ່າງສອງປະເທດຄົບຮອບ 30 ປີຢ່າງສຸດອົກສຸດໃຈ.
ໃນໂທລະເລກອວຍພອນ, ທ່ານຫູຈິນທາວກ່າວວ່າ, ແຕ່ຈີນຟິລິບປິນສ້າງສາຍສຳພັນການທູດ 30 ປີມານີ້, ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ການພົວພັນຈີນຟິລິບປິນໄດ້ມີການຂະຫຍາຍຕົວຢ່າງໃຫຍ່ຫລວງ, ໄດ້ນຳເອົາຜົນປະໂຫຍດແທ້ຈິງມາໃຫ້ສອງປະເທດແລະປະຊາຊົນສອງຊາດ, ແລະໄດ້ປະກອບສ່ວນອັນຕັ້ງໜ້າເຂົ້າໃນການຊຸກຍູ້ສັນຕິພາບ ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນແຫ່ງນີ້. ມິດຕະກາບຈີນຟິລິບປິນໄດ້ກາຍເປັນຊັບສົມບັດຮ່ວມທີ່ລ້ຳຄ່າຂອງປະຊາຊົນສອງຊາດແລ້ວ.
ໃນໂທລະເລກ, ທ່ານນາງອາໂລໂຢກ່າວວ່າ, ຂະບວນວິວັດການພົວພັນຟິລິບປິນຈີນໃນ 30 ປີມານີ້ແມ່ນຂະບວນການທີ່ສອງປະເທດຮັດແໜ້ນການຮ່ວມມືຢ່າງບໍ່ຢຸດຢັ້ງ, ຄວາມເຂົ້າໃຈກັນເພີ່ມຂຶ້ນເລື້ອຍໆ, ແລະມິດຕະພາບລົງສູ່ລວງເລິກຢ່າງບໍ່ຢຸດຢັ້ງ. ທ່ານນາງອາໂລໂຢກ່າວວ່າ, ຟິລິບປິນຈີນພວມຢູ່ໃນໄລຍະດີທີ່ສຸດແຫ່ງການພົວພັນຄູ່ຂາ, ເຊື່ອວ່າ, ຄາດໝາຍທີ່ສອງຝ່າຍຕົກລົງກັນນັ້ນຍ່ອມຈະບັນລຸຜົນເປັນຈິງແນ່ນອນ.
|
|
