|
|
 |
| (GMT+08:00)
2005-06-10 09:47:18
|
 |
|
ປຶ້ມ"ປະຫວັດສາດສະໄໝມໍ່ແລະປະຈຸບັນຂອງສາມປະເທດອາຊີຕາເວັນອອກ"ຮັບຮອງເລື່ອງຈິງຂອງສັງຫານໂຫດທີ່ນານກິ່ງ
cri
Author: li
ຕາມຂ່າວສານຊິນຮວາ: ວັນທີ 9 ມິຖຸນາ ປຶ້ມ"ປະຫວັດສາດຂອງສາມປະເທດອາຊີຕາເວັນອອກສະໄໝມໍ່ແລະຍຸກປັດຈຸບັນ"ສະບັບພາສາຈີນໂດຍແມ່ນນັກປາດແລະຄູອາຈານຂອງຈີນ,ຍີ່ປຸ່ນແລະສ.ເກົາຫຼີໃຊ້ເວລາສາມປີພ້ອມກັນຮຽບຮຽງນັ້ນໄດ້ຈັດພິທີພິມຈຳໜ່າຍເປັນຄັ້ງທຳອິດ. ປຶ້ມດັ່ງກ່າວຮັບຮອງວ່າ,ຜູ້ຮຸກຮານຂອງຍີ່ປຸ່ນໄດ້ກໍ່ການສັງຫານໂຫດຢູ່ນານກິ່ງ.
ທ່ານປູພິງ ຮອງຫົວໜ້າສະຖາບັນປະຫວັດສາດສະໄໝມໍ່ຂອງສະພາບັນດິດວິທະຍາສາດສັງຄົມຈີນ ຜູ້ຮັບຜິດຊອບຝ່າຍຈີນຂອງຄະນະກຳມະການຮຽບຮຽງປຶ້ມດັ່ງກ່າວເວົ້າວ່າ,ນັກປາດສາມປະເທດທີ່ເຂົ້າຮ່ວມການຮຽບຮຽງນັ້ນມີທັດສະນະຕໍ່ປະຫວັດສາດເປັນເອກະພາບກັນໃນລະດັບສູງ.
ທ່ານເຮີປີງເມີ້ງ ຮອງເລຂາທິການຂອງສະພາບັນດິດວິທະຍາສາດສັງຄົມຈີນຊີ້ອອກວ່າ,ວຽກງານຮຽບຮຽງປຶ້ມດັ່ງກ່າວບໍ່ພຽງແຕ່ໄດ້ເພີ່ມທະວີການແລກປ່ຽນລະຫວ່າງນັກປາດຂອງສາມປະເທດທໍ່ນັ້ນ ຫາກຍັງໄດ້ເປັນການທົດລອງຢ່າງມີຄວາມໝາຍເພື່ອແກ້ໄຂຄວາມຜິດໂຕນກັນອັນໃຫຍ່ຫຼວງລະຫວ່າງຍີ່ປຸ່ນກັບປະເທດອ້ອມຂ້າງໃນບັນຫາເຂົ້າໃຈປະຫວັດສາດ.
ຕາມໄດ້ຊາບ, ຈີນ,ຍີ່ປຸ່ນແລະສ.ເກົາຫຼີມີນັກປາດເກືອບ 40 ຄົນຂອງເຂົ້າຮ່ວມການຮຽບຮຽງປຶ້ມດັ່ງກ່າວ. ປຶ້ມດັ່ງກ່າວສະບັບພາສາສ.ເກົາຫຼີແລະສະບັບພາສາຍີ່ປຸ່ນໄດ້ພິມຈຳໜ່າຍເປັນທາງການໃນທ້າຍເດືອນພຶດສະພາແລ້ວ.
|
|
|
