ຕາມ​ຂ່າວສານ​ຊິນ​ຮວາ  ​​​ເນື່ອງ​ໃນ​ໂອກາດ​ວັນ​ສົ່ງ​ເລືອດຂອງ​ໂລກ​ປີ​ທີ​ສອງ ​ຄື​ວັນ​ທີ 14 ມິຖຸນາ​​​ໄດ້ວຽນ​ມາ​ເຖິງ  ອົງການ​ອະນາ​ໄມ​ໂລກ​ຊີ້​ອອກ​ວ່າ  ຜູ່​ສະຫມັກ​ບໍລິຈາກ​ເລືອດ​​ແລະ​ຜູ່​ບໍລິຈາກ​ເລືອດ​ເປັນ​ປະຈຳ​ຫຼາຍ​ຈົນ​ນັບ​ບໍ່​ຖ້ວນໄດ້​ຊ່ອຍ​ກອບ​ກູ້​​ເອົາຊີວິດ​ຂອງ​ຄົນ​​ນັບ​​ເປັນພັນ​ເປັນ​ຫມື່ນ   ​ແຕ່​ວ່າ  ປັດຈຸບັນ  ທົ່ວ​ໂລກກໍ​ຍັງ​ມີປະຊາກອນ 82 % ຊອກ​ເລືອດ​ສຳລັບ​ສົ່ງ​ເຂົ້າ​ຮ່າງກາຍທີ່​ພໍ​ໃຈ​ແລະ​ປອດ​ໄພບໍ່​ໄດ້

ອົງການ​ອະນ​າ​ໄມ​ໂລກ​ກ່າວ​ວ່າ ນັບ​ມາ​ຮອດ​ປັດຈຸບັນ​ມີ​ແຕ່ 40 ປະ​ເທດ​ໄດ້​ສ້າງ​ລະບົບສະຫມັກ​ບໍລິຈາກ​ເລືອດ ມີ​ປະ​ເທດບໍ່​ຮອດ 30% ​ມີ​ລະບົບ​ບໍລິການ​ດ້ານ​ການ​ບໍລິຈາກເລືອດ​ທີ່ກົມກຽວ​ກັນ​ໃນ​ທົ່ວ​ປະ​ເທດ  ປະ​ເທດ​ສ່ວນ​ຫຼາຍ​ທີ່​ສຸດ​ຍັງ​ຕ້ອງອາ​ໄສຄອບຄົວ​ຂອງ​ຄົນເຈັບສົ່ງ​ເລືອດ​​ໃຫ້​ຫຼບໍລິຈາກເລືອດ​ຢ່າງ​ມີຄ່າ​ຕອບ​ແທນ  ສະ​ນັ້ນ  ​ເລືອດຂອງ​ຜູ່​ຕິດເຊື້ອໂຣກ​ເອດ​ສ໌ຫຼື​ພະຍາດ​ອື່ນໆ​ກໍຖືກ​ເກັບ​​ໂຮມ​ເອົາ  ຈຶ່ງ​ເປັນ​ອັນຕະລາຍ​ທີ່​ສຸດ​ຕໍ່​ສຸຂະພາບ​ແລະ​ຊີວິດ​ຂອງ​ຜູ່​ຮັບ​ເອົາເລືອດ