|
ຕາມຂ່າວCRI: ວັນທີ 17 ມິຖຸນາ,ຢູ່ປັກກິ່ງ,ທ່ານຫູຈິນທາວ ປະທານປະເທດຈີນໄດ້ຕ້ອນຮັບການເຂົ້າພົບຂອງທ່ານກິຼສລົຟ ປະທານສະພາດູມາແຫ່ງຊາດຣັດເຊຍທີ່ມາຢ້ຽມຢາມ.ທ່ານກ່າວວ່າ,ຝ່າຍຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນກັບຣັດເຊຍ,ຍິນດີພ້ອມກັນກັບຝ່າຍຣັດເຊຍ,ຊຸກຍູ້ການພົວພັນໝູ່ຄູ່ປະສານງານດ້ານຍຸດທະສາດຈີນຣັດເຊຍຂຶ້ນສູ່ລະດັບໃຫມ່ຢ່າງບໍ່ຢຸດຢັ້ງ.
ທ່ານຫູຈິນທາວເວົ້າວ່າ,ສອງປະເທດລ້ວນແຕ່ປະເຊີນກັບຫນ້າທີ່ສຳຄັນທີປົກປັກຮັກສາສັນຕິພາບ ສະຖຽນລະພາບ ເລັ່ງລັດພັດທະນາເສດຖະກິດ.ສອງປະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຂອງສອງປະເທດມີກຳລັງບົ່ມຊ້ອນອັນມະຫາສານແລະມີອະນາຄົດອັນກວ້າງຂວາງ.
ທ່ານກຼິສລົຟເວົ້າວ່າ,ຣັດເຊຍຮູ້ສຶກເພິ່ມພໍໃຈຕໍ່ການພົວພັນໝູ່ຄູ່ປະສານງານດ້ານຍຸດທະສາດຣັດເຊຍຈີນໃນຫລາຍປີມານີ້ໄດ້ຂະຫຍາຍຕົວອອກຢ່າງຫນັກແໜ້ນແລະປອດໃສ.ສະພາສະຫະພັນແລະສະພາດູມາຣັດເຊຍຍິນດີເພີ່ມທະວີການຮ່ວມມືຮອບດ້ານກັບສະພາປະຊາຊົນແຫ່ງຊາດຈີນ,ຊຸກຍູ້ການພົວພັນລະຫວ່າງສອງປະເທດໃນຂົງເຂດຕ່າງໆເຊັ່ນເສດຖະກິດການຄ້າ ພະລັງງານ ລະບອບກົດຫມາຍແລະວັດທະນະທຳເປັນຕົ້ນຂະຫຍາຍຕົວລົງສູ່ລວງເລິກ
|
