|
ທ່ານຫູຈິນທາວຈະໄປຢ້ຽມຢາມຣັດເຊຍ,ກາຊັກສະຕັງແລະເຂົ້າຮ່ວມກອງປະຊຸມສາກົນ
cri
Author: li
ຕາມຂ່າວ CRI: ທ່ານຫູຈິນທາວ ປະທານປະເທດຈີນຈະໄປຢ້ຽມຢາມຣັດເຊຍແລະກາຊັກສະຕັງທາງລັດຖະກິດຕາມຄຳເຊີນແຕ່ວັນທີ 30 ມິຖຸນາຮອດວັນທີ 7 ກໍລະກົດ,ແລະເຂົ້າຮ່ວມກອງປະຊຸມປະມຸກລັດຂອງອົງການຮ່ວມມືຊຽງໄຮ້ທີ່ຈະໄຂຂຶ້ນຢູ່ອັສທານາ ນະຄອນຫຼວງກາຊັກສະຕັງ ແລະ"ກອງປະຊຸມສົນທະນາລະຫວ່າງຜູ້ນຳຂອງກຸ່ມ 8 ປະເທດກັບ 5 ປະເທດຄືຈີນ,ອິນເດຍ,ເບຼຊິນ,ອາຟິຼກາໃຕ້ແລະແມັກຊິກ"ທີ່ຈັດຂຶ້ນຢູ່ອັງກິດ.
ໃນເວລາທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນປະກາດຂ່າວດັ່ງກ່າວໃນງານຊຸມນຸມນັກຂ່າວທີ່ຈັດຂຶ້ນໃນວັນທີ 21 ມິຖຸນານັ້ນ ທ່ານກ່າວວ່າ,ທ່ານຫູຈິນທາວຢ້ຽມຢາມຣັດເຊຍມີຈຸດປະສົງຍົກລະດັບຂອງການພົວພັນຄູ່ຂາຮ່ວມມືຍຸດທະສາດຈີນຣັດເຊຍໃຫ້ສູງຂຶ້ນ.ວັນທີ 21 ມິຖຸນາ ຢູ່ທີ່ປັກກິ່ງ ທ່ານຫູຈິນທາວໄດ້ໃຫ້ສຳພາດຕໍ່ສື່ມວນຊົນຈຳນວນໜຶ່ງຂອງຣັດເຊຍ,ແລະໄດ້ຕອບຄຳຖາມຂອງນັກຂ່າວກ່ຽວກັບການພົວພັນຄູ່ຂາຮ່ວມມືຍຸດທະສາດ,ການຮ່ວມມືເສດຖະກິດການຄ້າສອງຝ່າຍລະຫວ່າງຈີນກັບຣັດເຊຍແລະບັນຫາສາກົນທີ່ສຳຄັນເປັນຕົ້ນ.
|
|
