ໜັງສືພິມ​ເຢີ​ນມິນ​ຢື້​ປ້າວ​ສະບັບ​ວັນ​ທີ 28 ມິຖຸນາ​ລາຍ​ງານ​ວ່າ: ຈີນ​ກັບ​ອາ​ຊຽນຈະ​ຕ່າງປະຕິບັດພາສີພິ​ເສດ​ຕໍ່​ຜະລິດ​ຕະພັນ​ທີ່​ຝ່າຍ​ກົງກັນຂ້າມ​ຜະລິດປະມານ7000​ຊະນິດ​ແຕ່​ວັນທີ 20 ກໍລະກົດ​ຢ່າງ​ເປັນ​ທາງ​ການ, ​ແລກປ່ຽນ​​ແຈ້ງ​ດ່ານ​ພາສີ​ຕາມອັດຕາ​ພາສີຂອງ​​ເຂດ​ການ​ຄ້າ​ເສລີ.

ຂ່າວ​ຈາກ​ກະຊວງ​ການ​ຄ້າ​ຈີນ​ເວົ້າ​ວ່າ, ຄະນະກຳມະການ​ເຈລະຈາການ​ຄ້າ​ຈີນ​ອາ​ຊຽນ​ໄດ້​​ໄຂ​ກອງ​ປະຊຸມ​ຄັ້ງ​ທີ 19 ຢູ່​ປັກ​ກິ່ງ​ໃນ​ທ້າຍ​​ເດືອນ​ມິຖຸນາ. ສອງ​ຝ່າຍ​ຮັບຮອງ​ວ່າ, ​ແຜນການ​ຫຼຸດ​ພາສີຂອງ​ເຂດ​ການ​ຄ້າ​ເສລີ​ຈີນ​ອາ​ຊຽນຈະ​ເລີ່​ມ​ປະຕິ​ບັດໃນ​ເດືອນ​ກໍລະກົດ​ຕາມ​ເວລາກຳໜົດ. ສອງ​ຝ່າຍ​ຈະ​ໃຊ້ 20 ມື້​ກວດຕາລາງ​ຫຼຸດ​ພາສີ​ເຊິ່ງກັນ​ແລະ​ກັນ, ພ້ອມ​ທັງ​ປັບ​ປູ​ງລະບອບ​ຂໍ້​ມູນ​ດ່ານ​ພາສີ​ທີ່​ກ່ຽວຂ້ອງ. ​ແຕ່​ວັນ​ທີ20​ກໍລະກົດ​ເປັນ​ຕົ້ນ​ໄປ, ​ລະຫວ່າງ​ສອງ​ຝ່າຍ​ຈະ​ປະຕິບັດ​ພາສີ​ພິ​ເສດ​ຕໍ່ຜະລິດ​ຕະພັນ​ທີ່​ຜະ​ລິດ​ຢູ່ຈີນ​​ແລະ​ຜະລິດ​ຢູ່​ບັນດາ​ປະ​ເທດອາ​ຊຽນຢ່າງ​ເປັນ​ທາງ​ການ.