|
|
 |
| (GMT+08:00)
2005-07-01 10:58:32
|
 |
|
ໂຄສົກອົງການປົກຄອງເຂດພິເສດຮົງກົງຕິຕຽນຄຳວິຈານຂອງຜູ້ນຳເຈົ້າໜ້າທີ່ໄຕ້ຫວັນທີ່ບິດເບືອນຮົງກົງ
cri
Author: MO
ຕາມຂ່າວສານຊີນຮວາ: ວັນທີ 30 ມິຖຸນາ, ໂຄສົກອົງການປົກຄອງເຂດພິເສດຮົງກົງໄດ້ຕິຕຽນຖ້ອຍຄວາມຂອງຜູ້ນຳເຈົ້າໜ້າທີ່ໄຕ້ຫວັນທີ່ບິດເບືອນແລະບໍ່ມີຫຼັກອ້າງອີງຊິ່ງປະກາດໃນເຂດພິເສດຮົງກົງສ້າງຕັ້ງຂຶ້ນຄົບຮອບ 8 ປີ.
ໂຄສົກຜູ້ນີ້ກ່າວວ່າ, ແຕ່ຮົງກົງກັບຄືນສູ່ປະເທດຊາດແລະສ້າງຕັ້ງເຂດບໍລິຫານພິເສດຮົງກົງເມື່ອປີ 1997 ເປັນຕົ້ນມາ, ປະເທດດຽວສອງລະບອບໄດ້ຮັບການປະຕິບັດຢ່າງສຳເລັດຜົນນີ້ແມ່ນເລື່ອງຈິງທີ່ໃຜໆກໍໄດ້ເຫັນກັບຕາແລ້ວ.
ໂຄສົກຜູ້ນີ້ກ່າວວ່າ, ເມື່ອກັບຄືນສູ່ປະເທດຊາດແລ້ວ, ຮົງກົງໄດ້ຄອງຖານະສູນທະນາຄານແລະການຄ້າສາກົນຕໍ່ມາ. ປີກາຍນີ້, ບໍລິສັດຕ່າງປະເທດກາຍ 3600 ກວ່າບໍລິສັດໄດ້ຕັ້ງສຳນັກງານເຂດແຄວ້ນຫລືສຳນັກງານໃຫຍ່ເຂດແຄວ້ນຢູ່ຮົງກົງ, ໄດ້ເພີ່ມຂຶ້ນຫລາຍກວ່າ 43% ເມື່ອທຽບກັບປີ 1997, ເຊິ່ງເປັນສະຖິຕິສູງສຸດໃນປະຫວັດສາດ, ນີ້ສະແດງໃຫ້ເຫັນຄວາມໝັ້ນໃຈຂອງປະຊາຄົມໂລກທີ່ມີຕໍ່ຮົງກົງ.
ໂຄສົກຜູ້ນີ້ກ່າວວ່າ, ເສລີພາບ ສິດມະນຸດ ການປົກຄອງຕາມກົດໝາຍ ແລະອິດສະຫຼະດ້ານຕຸລາການກໍມີການຮັບປະກັນຢ່າງເຕັມສ່ວນຢູ່ຮົງກົງ. ສື່ມວນຊົນຮົງກົງມີເສລີພາບລະດັບສູງສຸດໃນເຂດອາຊີ, ລະບອບຍຸດຕິທຳຂອງຮົງກົງກໍ່ດີກວ່າເພີ່ນຢູ່ອາຊີ.
|
|
|
