ຕາມ​ຂ່າວCRI: ວັນ​ທີ 4 ກໍລະກົດ​ຢູ່​ປັກ​ກິ່ງ, ຈີນ​ກັບ​ອົສຕຼາລີ​ໄດ້​ເຊັນ​ສັນຍາ​ສອງ​ສະບັບ, ​ເພື່ອ​ຊຸກຍູ້​ການ​ຮ່ວມ​ມື​ດ້ານ​ວິທະຍາສາດ​ເຕັກນິກ​ລະຫວ່າງ​ສອງ​ຝ່າຍ​​ຕື່ມ​ອີກ.

ສັນ​ຍາ​ທີ່​ກ່ຽວ​ຂ້ອງ​ກຳ​ນົດ​ວ່າ, ​ໃນ​ແຕ່ລະ​ປີຂອງ5​ປີ​ຂ້າງ​ໜ້າ​ນີ້​ລັດ​ຖະ​ບານ​ຈີນ​ອົສຕຼາລີ​ຈະ​ຕ່າງ​ອອກ​ເງິນ 3 ລ້ານ​ຢວນ​ສະ​ໜັບ​ສະ​ໜູນ​​ໂຄງການ​ຮ່ວມ​ມື​ຂອງ​ນັກ​ວິ​ທະ​ຍາ​ສາດ​​ສອງ​ປະ​ເທດ​ໃນ​ດ້ານ​ເຕັກ​ນິກ​ຊີວະ​ຊາດ​ກະສິກຳ ພະ​ລັງ​ງານ​ແລະ​ເຕັກ​ນິກ​ສິ່ງ​ແວດ​ລ້ອມ. ສອງ​ຝ່າຍ​ຍັງ​ຈະ​ເລືອກ​ເອົາ​ນັກວິທະຍາສາດ​ໄວ​ໜຸ່ມ​ຜູ່​ດີ​ເດັ່ນ​ໄປ ​ດຳ​ເນີນ​ການ​ເຄື່ອນ​ໄຫວ​ແລກປ່ຽນ​ຢູ່ອົງການ​ຄົ້ນ​ຄວ້າ​ຂອງ​ຝ່າຍ​ກົງ​ກັນ​ຂ້າມ.