ກອງປະຊຸມຜູ້ນຳຄັ້ງທີສອງຂອງການຮ່ວມມືເສດຖະກິດອະນຸພາກພື້ນແມ່ນ້ຳຂອງໄຂຂຶ້ນຢູ່ຄຸນມິງ
cri
Author: li
ຕາມຂ່າວ CRI: ກອງປະຊຸມຜູ້ນຳຄັ້ງທີສອງຂອງການຮ່ວມມືເສດຖະກິດອະນຸພາກພື້ນແມ່ນ້ຳຂອງໄດ້ໄຂຂຶ້ນຢູ່ຄຸນມິງ ເມືອງພາກຕາເວັນຕົກສຽງໃຕ້ຂອງຈີນໃນວັນທີ 5 ກໍລະກົດ.
ກອງປະຊຸມເທື່ອນີ້ມີຫົວຂໍ້ວ່າ:"ເສີມສ້າງການພົວພັນຄູ່ຂາຮ່ວມມື,ບັນລຸຄວາມຈະເລີນຮຸ່ງເຮືອງນຳກັນ",ຜູ້ນຳ 6 ປະເທດຄືຈີນ,ກຳປູເຈຍ,ລາວ,ມຽນມາ,ໄທແລະຫວຽດນາມພ້ອມດ້ວຍຜູ້ວ່າການທະນາຄານພັດທະນາອາຊີຈະຫາລືກັນກ່ຽວກັບຜົນສຳເລັດກັບການທ້າທາຍ,ຫຼັກການຊີ້ນຳການຮ່ວມມືGMS,ການເຄື່ອນໄຫວໃນອະນາຄົດເພື່ອບັນລຸການພັດທະນາແບບຍືນຍົງແລະຫົວຂໍ້ອື່ນໆ.
ໃນພິທີໄຂກອງປະຊຸມ,ທ່ານເວີນເຈຍປາວ ນາຍົກລັດຖະມົນຕີຈີນໄດ້ກ່າວຄຳປາໄສ,ທ່ານໄດ້ວາງຂໍ້ສະເໜີລະອຽດກ່ຽວກັບການຊຸກຍູ້ການຮ່ວມມືGMS. ຕົ້ນຕໍແມ່ນ: ໃນພາຍໜ້າ ບັນດາປະເທດຄວນສືບຕໍ່ເພີ່ມທະວີການກໍ່ສ້າງພື້ນຖານໂຄງລ່າງ,ຊຸກຍູ້ໃຫ້ການລົງທຶນການຄ້າສະດວກກວ່າເກົ່າ,ເຮັດໃຫ້ການຮ່ວມມືພັດທະນາກະສິກຳລົງສູ່ລວງເລິກ,ເອົາໃຈໃສ່ອະນຸລັກຊັບພະຍາກອນແລະສິ່ງແວດລ້ອມ,ເພີ່ມທະວີການອົບຮົມຊັບພະຍາກອນມະນຸດ,ຕັ້ງໜ້າຊຸກຍູ້ການຮ່ວມມືໃນຂົງເຂດສາທາລະນະສຸກ,ຊອກຫາຊ່ອງທາງຫ້າງຫາທຶນພັດທະນາຈາກຫຼາຍດ້ານ.
|
|