|
|
 |
| (GMT+08:00)
2005-07-05 16:46:50
|
 |
|
ກອງປະຊຸມຜູ້ນ GMS ຄັ້ງທີ 2 ອັດລົງຢູ່ເມືອງຄຸນມິງ
cri
Author: da
ຕາມຂ່າວCRI: ກອງປະຊຸມຜູ້ນຳຂອງການຮ່ວມມືເສດຖະກິດອະນຸພາກພື້ນແມ່ນ້ຳຂອງຄັ້ງທີ 2 ທີ່ໄຂຂຶ້ນຢູ່ເມືອງຄຸນມິງຈີນໄດ້ອັດລົງໃນວັນທີ 5 ກໍລະກົດ,ຜູ້ນຳ 6 ປະເທດທີ່ຮ່ວມປະຊຸມໄດ້ເປັນເອກະສັນກັນເຫັນວ່າ,ຄວນຖືການເພີ່ມທະວີການກໍ່ສ້າງພື້ນຖານໂຄງລ່າງ ປົວແປງສະພາບແວດລ້ອມການຄ້າແລະການລົງທຶນ ເພີ່ມທະວີການພັດທະນາສິ່ງແວດລ້ອມແລະສັງຄົມເປັນຕົ້ນເປັນຂົງເຂດຈຸດໜັກແຫ່ງການຮ່ວມມືໃນອະນາຄົດ.
ກອງປະຊຸມຄັ້ງນີ້ມີຫົວຂໍ້ທີ່ວ່າ"ເສີມສ້າງການພົວພັນຄູ່ຂາຮ່ວມມື,ບັນລຸຄວາມຈະເລີນຮຸ່ງເຮືອງນຳກັນ",ຜູ້ນຳ 6 ປະເທດຄືຈີນ ລາວ ກຳປູເຈຍ ມຽນມາ ໄທແລະຫວຽດນາມພ້ອມດ້ວຍຜູ້ອຳນວຍການທະນາຄານພັດທະນາອາຊີໄດ້ຫາລືກັນກ່ຽວກັບຜົນສຳເລັດກັບການທ້າທາຍ ຫຼັກການຊີ້ນຳການຮ່ວມມື GMS ,ການເຄື່ອນໄຫວໃນອະນາຄົດເພື່ອບັນລຸການພັດທະນາແບບຍືນຍົງແລະຫົວຂໍ້ອື່ນໆ.ກອງປະຊຸມໄດ້ຜ່ານຄຳຖະແຫຼງການຄຸນມິງ,ວາງກຳນົດທິດຮ່ວມມືໃນອະນາຄົດແລະມາດຕະການຈຸດໜັກ;ໄດ້ເຊັນເອກະສານຮ່ວມມືທີ່ກວມເຖິງການຂົນສົ່ງຂ້າມຊາດ ການຄ້າໄຟຟ້າ ການກໍ່ສ້າງທາງດ່ວນຂໍ້ມູນຂ່າວສານແລະການປ້ອງກັນແລະຄວບຄຸມພະຍາດສັດເປັນຕົ້ນ,ກຳນົດຂອບຍຸດທະສາດທີ່ອະນຸລັກຊີວະຊາດຫຼາຍຢ່າງແລະຊຸກຍູ້ການຄ້າແລະການລົງທຶນໃຫ້ມີຄວາມສະດວກ.
ກອງປະຊຸມຍັງເຫັນວ່າ,ບັນດາປະເທດຄວນເພີ່ມທະວີການຮ່ວມມືຕື່ມອີກ,ອອກແຮງຄວບຄຸມການແຜ່ລະບາດພະຍາດ,ຊຸກຍູ້ການພັດທະນາກະສິກຳ ໂຈມຕີການຕ້ອງໂທດຂ້າມຊາດແລະອະນຸລັກສິ່ງແວດລ້ອມ.
|
|
|
