ຕາມ​ຂ່າວສານ​ຊິນ​ຮວາ  ວັນ​ທີ 5 ກໍລະກົດ  ​ໃນ​ງານ​ຖະ​ແຫຼ​ງຂ່າວ​ທີ່​ຈັດ​ຂຶ້ນ​ຢູ່​ປັກ​ກິ່ງ  ທ່ານ​ຈັ່ງປາຍ ຮອງ​ຫົວຫນ້າ​ກົມ​ວັດຖຸບູຮານ​ແຫ່ງ​ຊາດ​ຈີນ​ໄດ້​ເຜີຍ​​ໃຫ້​ຮູ້​ວ່າ  ຈີນ​ຈະ​ເລີ່​ມປະຕິບັດ​ໂຄງການ​ອະນຸລັກ​ຮ່ອງຮອຍ​ປະຫວັດສາດ ຂະຫນາດ​ໃຫຍ່​ແຕ່​ປີ​ນີ້​ເປັນ​ຕົ້ນ​ໄປ   ​ແຕ່ລະ​ປີຈະລົງທຶນ 250 ລ້ານ​ຢວນ​ເພື່ອອະນຸ ລັກຮັກສາຮ່ອງ​ຮອຍ​ປະຫວັດສາດຂະຫນາດ​ໃຫຍ່​ທີ່​ມີ​ຜົນ​ສະທ້ອນ​ສຳຄັນ​ເປັນ​ຈຸດ​ຫນັກ

ທ່ານ​ແນະນຳ​ວ່າ  ຈີນ​ເລີ່​ມປະຕິບັດ​ໂຄງການ​ອະນຸລັກ​ຮ່ອງ​ຮອຍ​ປະຫວັດສາດຂະຫນາດ​ໃຫຍ່  ຈຸດປະສົງ​ແມ່ນ​ເພື່ອໂຮມ​ສູນ​ແກ້​ໄຂ​ບັນຫາ​ອັນ​ພົ້ນ​ເດັ່ນ​ທີ່​ປະ​ເຊີນ​ໃນ​ການ​ອະນຸລັກ​ຮ່ອງ​ຮອຍປະຫວັດສາດຂະຫນາດ​ໃຫຍ່​ທີ່​ມີ​ຄວາມ​ຫມາຍ​ເປັນ​ແບບຢ່າງ  ປັດຈຸບັນ   ຝ່າຍ​ທີ່​ກ່ຽວຂ້ອງ​ຂອງ​ຈີນ​ພ​ວມຈັດຕັ້ງຮຽບຮຽງຫົວ​ຂໍ້​ສຳຄັນ​ຂອງ​ແຜນການ​ອະນຸລັກ​ຮ່ອງຮອຍ ປະຫວັດສາດ​ຂະຫນາດ​ໃຫຍ່​​​ 36 ​ແຫ່ງ​ໃນ​ທົ່ວ​ປະ​ເທດ