ຕາມ​ຂ່າວCRI: ວັນ​ທີ 8 ກໍລະກົດ​ຢູ່​ປັກ​ກິ່ງ, ທ່ານ​ເສີງ​ຢູນຫຼີນ ຫົວໜ້າ​ຫ້ອງການ​ວຽກ​ງານ​ໄຕ້​ຫວັນ​ສູນ​ກາງ​ພັກ​ກອມ​ມູນິດ​ຈີນ​ໄດ້​ພົບ​ປະ​ຄະນະກະສິກຳ​​ພັກ​ກົກ​ມິນ​ຕັງແລະ​ພັກ​ຊິນ​ມິນ​ຕັງ​ຢ້ຽມຢາມ​ແຜ່ນດິນ​ໃຫຍ່​​ ​.

ທ່ານ​ເສີງ​ຢູນຫຼີນ​ເວົ້າ​ວ່າ, ຄະນະ​ຢ້ຽມ​ຢາມ​ມາ​ແລກປ່ຽນ​ຄວາມ​ເຫັນ​ກັບ​ແຜ່ນດິນ​ໃຫຍ່​ເພື່ອ​ຊຸກຍູ້​ຜະລິດ​ຕະພັນ​ກະສິກຳ​ໄຕ້​ຫວັນ​ຂາຍ​ຢູ່​ແຜ່ນດິນ​ໃຫຍ່​​ໂດຍ​ໄວ, ນີ້​ໄດ້​ສ່ອງ​ແສງ​ໃຫ້​ເຫັນ​ສອງ​ພັກ​ດັ່ງກ່າວ​ແມ່ນພິຈາລະນາເຖິງ​ຜົນ​ປະ​ໂຫຍດຂອງຂອງ​ກະສິກອນ​ໄຕ້​ຫວັນ​ຢ່າງ​ແທ້​ຈິງ.

ທ່ານ​ເຈີງ​ຢົງ​ສວງ ຫົວໜ້າ​ຄະ​ນະ​ຢ້ຽມຢາມ ບຸກຄົນ​ພັກ​ກົກ​ມິນ​ຕັງ​ກ່າ​ວວ່າ, ​ແຜ່ນດິນ​ໃຫຍ່​ຈີນ​​ໄດ້​ເປີດ​ກວ້າງ​ໝາກ​ໄມ້​ທີ່​ນຳ​ເຂົ້າ​ຈາກຕ້​ຫວັນ​ນັ້ນ​ຮອດ 18 ຊະນິດ, ​ແລະ​ໄດ້​ຍົກ​​ເວັ້ນພາສີ​ຂອງ​ໝາກ​ໄມ້15​ຊະນິດ​, ​ເຮັດ​ໃຫ້​ປະຊາຊົນ​ທັງ​ສອງ​ຝັ່ງ​ຊ່ອງ​ແຄບ​ໄຕ້​ຫວັນກະ​ຕຸ້ນ​ໃຈ.