|
ປີນີ້, ລັດຖະບານຈີນຈະຈັດຊື້ເຄື່ອງອຸປະກອນປິ່ນປົວຫລາຍກວ່າ 3 ຕື້ຢວນ
cri
Author: mo
ຕາມຂ່າວCRI：ວັນທີ 8 ກໍລະກົດ, ນັກຂ່າວໄດ້ຊາບຈາກກະຊວງສາທາລະນະສຸກຈີນວ່າ, ປີນີ້, ການຈັດຊື້ຂອງລັດຖະບານໃນກະຊວງສາທາລະນະສຸກກ່ຽວກັບອຸປະກອນປິ່ນປົວຈະຫລາຍກວ່າ 3 ຕື້ຢວນ, ອຸປະກອນທີ່ຈະຈັດຊື້ຕົ້ນຕໍແມ່ນລົດປິ່ນປົວ, ອຸປະກອນກວດໃນໂຮງໝໍ ແລະອຸປະກອນໃຊ້ໃນຫ້ອງທົດລອງເປັນຕົ້ນ.
ລັດຖະບານຈີນຈະຈັດງານວາງສະແດງອຸປະກອນປິ່ນປົວສາກົນຈີນແລະກອງປະຊຸມແລກປ່ຽນເຕັກນິກໃນເດືອນກັນຍາປີນີ້, ດູດດຶງວິສາຫະກິດໃຫຍ່ທີ່ຜະລິດອຸປະກອນປິ່ນປົວຢູ່ພາຍໃນປະເທດຈີນແລະຕ່າງປະເທດມາເຂົ້າຮ່ວມການວາງສະແດງ, ກະຊວງສາທາລະນະສຸກໄດ້ຈັດຕັ້ງຜູ້ຊ່ຽວຊານຕີລາຄາເຕັກນິກແລະລຽນລຳດັບຜະລິດຕະພັນທີ່ເຂົ້າຮ່ວມການວາງສະແດງ, ແລ້ວຖືອັນນີ້ເປັນຫລັກອ້າງອິງດຳເນີນການຈັດຊື້ຂອງລັດຖະບານແລະສະເໜີໃຫ້ອົງການສາທາລະນະສຸກຂັ້ນຮາກຖານ.
|
|
