|
ສູນຄົ້ນຄວ້າການພົວພັນສອງຝັ່ງຊ່ອງແຄບໄຕ້ຫວັນກັບຄະນະຢ້ຽມຢາມແຜ່ນດິນໃຫຍ່ຂອງພັກຊິນຕັງຈັດງານສົນທະນາກັນ
cri
Author: li
ຕາມຂ່າວ CRI: ວັນທີ 11 ກໍລະກົດ ຢູ່ທີ່ປັກກິ່ງ ສູນຄົ້ນຄວ້າການພົວພັນສອງຝັ່ງຊ່ອງແຄບໄຕ້ຫວັນແລະຄະນະຢ້ຽມຢາມແຜ່ນດິນໃຫຍ່ເພື່ອລະລຶກສົງຄາມຕໍ່ຕ້ານຍີ່ປຸ່ນໄດ້ຮັບໄຊຊະນະຄົບຮອບ 60 ປີຂອງພັກຊິນຕັງໄດ້ຈັດງານສົນທະນາ. ຜູ້ຮ່ວມປະຊຸມເປັນເອກະສັນກັນເຫັນວ່າ,ສອງຝັ່ງຄວນຢືນຢູ່ໃນຫຼັກໝັ້ນແຫ່ງປະຊາຊາດ,ຖືຄວາມສຸກຂອງປະຊາຊົນເປັນບ່ອນອີງ,ເພີ່ມທະວີການຮ່ວມມືກັນ,ຕ່າງຝ່າຍຕ່າງໄດ້ຮັບຜົນປະໂຫຍດ.
ໃນເວລາທ່ານຢູ້ມູ້ມິງ ປະທານພັກຊິນຕັງປະກອບຄຳຄິດຄຳເຫັນໃນງານສົນທະນາ,ທ່ານເວົ້າວ່າ,ພັກຊິນຕັງຈະຢືນຢູ່ຫຼັກໝັ້ນຂອງປະຊາຊາດຈີນ,ພ້ອມກັນກັບລູກຫຼານປະຊາຊາດຈີນທຸກຖ້ວນໜ້າ,ສືບຕໍ່ສະແຫວງໃຫ້ສອງຝັ່ງໂຮມເປັນເອກະພາບກັນໂດຍສັນຕິ,ຄັດຄ້ານໄຕ້ຫວັນເປັນເອກະລາດ,ສຸມກຳລັງເຂົ້າໃນການຍົກອິດທິພົນຊື່ສຽງຂອງຈີນໃຫ້ສູງຂຶ້ນ.
|
|
