|
|
 |
| (GMT+08:00)
2005-07-11 20:52:33
|
 |
|
ທ່ານເວີນເຈຍປາວກ່າວເນັ້ນວ່າຄວນເບິ່ງການຂະຫຍາຍຕົວຂອງການພົວພັນທາງເສດຖະກິດການຄ້າຈີນອາເມລິກາຈາກຜົນປະໂຫຍດຍາວໄກຂອງສອງປະເທດແລະຈາກມຸມທົ່ວໂລກ
cri
Author: li
ຕາມຂ່າວ CRI: ວັນທີ 11 ກໍລະກົດ ຢູ່ທີ່ປັກກິ່ງ ໃນເວລາທ່ານເວີນເຈຍປາວ ນາຍົກລັດຖະມົນຕີຈີນພົບປະທ່ານກູເຕຍເລັສ ລັດຖະມົນຕີກະຊວງການຄ້າອາເມລິກາພ້ອມດ້ວຍຄະນະນັ້ນ ທ່ານກ່າວເນັ້ນວ່າ,ຈີນອາເມລິກາຄວນເບິ່ງການຂະຫຍາຍຕົວຂອງການພົວພັນທາງເສດຖະກິດການຄ້າຈີນອາເມລິກາຈາກຜົນປະໂຫຍດຍາວໄກຂອງສອງປະເທດແລະຈາກມຸມທົ່ວໂລກ.
ທ່ານເວີນເຈຍປາວຍັງກ່າວເນັ້ນວ່າ,ຈີນອາເມລິກາຄວນໂຄລົບແລະເບິ່ງແຍງຄວາມເອົາໃຈໃສ່ຂອງກັນ,ຜ່ານຈາກການສົນທະນາຢ່າງສະເໝີພາບແລະການປຶກສາຫາລືດ້ວຍໄມຕີຈິດ,ຊຳລະແກ້ໄຂບັນຫາທີ່ເກີດຂຶ້ນໃນການຮ່ວມມືກັນຢ່າງເໝາະສົມ,ພ້ອມກັນພະຍາຍາມເພື່ອຂະຫຍາຍການພົວພັນເສດຖະກິດການຄ້າລະຫວ່າງສອງປະເທດຢ່າງສະດວກ.
ທ່ານເວີນເຈຍປາວຍັງໄດ້ຢືນຢັນຢ່າງເຕັມສ່ວນເຖິງບົດບາດສຳຄັນຂອງຄະນະກຳມະການຮ່ວມການຄ້າຈີນອາເມລິກາໃນການຂະຫຍາຍການພົວພັນທາງເສດຖະກິດການຄ້າຂອງສອງປະເທດ.
ທ່ານກູເຕຍເລສເວົ້າວ່າ,ການກະທຳຂອງອາເມລິກາແລະຈີນທີ່ຜ່ານຈາກການສົນທະນາກັນແລະເຮັດໃຫ້ຄວາມເຫັນຂັດກັນໜ້ອຍລົງດ້ວຍເຈຕະນາດີ,ສາມາດກາຍເປັນເບົ້າແບບຂອງທົ່ວໂລກ. ທ່ານເຫັນວ່າ,ການເຈລະຈາຂອງຄະນະກຳມະການຮ່ວມມື້ນີ້ດີຫຼາຍ,ສອງຝ່າຍໄດ້ແລກປ່ຽນກັນຢ່າງຈິງໃຈແລະກົງໄປກົງມາທີ່ສຸດ.
|
|
|
