|
ນັກວິທະຍາສາດຈີນອາເມລິກາອັງກິດໄດ້ຮັບໝາກຜົນໃນການຮ່ວມກັນສຳຫຼວດຄວາມມີຫຼາຍຢ່າງຫຼາຍແນວຂອງຊີວະຊາດ
cri
Author: li
ຕາມຂ່າວ CRI: ຫວ່າງມໍ່ໆນີ້ ຢູ່ແຂວງຢຸນນານ ພາກຕາເວັນຕົກສຽງໃຕ້ຂອງຈີນ ນັກວິທະຍາສາດຂອງຈີນ,ອາເມລິກາແລະອັງກິດໄດ້ຮ່ວມກັນດຳເນີນການສຳຫຼວດຄວາມມີຫຼາຍຢ່າງຫຼາຍແນວຂອງຊີວະຊາດຢູ່ເຂດສະຫງວນທຳມະຊາດ,ແລະໄດ້ຮັບໝາກຜົນອຸດົມສົມບູນ.
ການສຳຫຼວດເທື່ອນີ້ແມ່ນສາມປະເທດຮ່ວມມືກັນອີກເທື່ອໜຶ່ງພາຍຫຼັງຮ່ວມກັນສຳຫຼວດຄັ້ງທຳອິດໃນປີ 2003 ແລ້ວ. ໃນການສຳຫຼວດເປັນເວລາ 16 ມື້,ນັກວິທະຍາສາດສາມປະເທດໄດ້ເກັບໂຮມຕົວຢ່າງພຶກສາຊາດຊັ້ນສູງຢ່າງຫຼວງຫຼາຍ,ເມື່ອໄດ້ວິເຄາະເບື້ອງຕົ້ນແລ້ວເຫັນວ່າ,ມີຫຼາຍຢ່າງແມ່ນແນວພັນໃໝ່. ຄຽງຄູ່ກັບການດຳເນີນວຽກງານກວດສອບຕົວຢ່າງ,ຈະປະກາດໝາກຜົນວິຊາການຢ່າງຕໍ່ເນື່ອງກັນ.
|
|
