|
|
 |
| (GMT+08:00)
2005-07-14 17:14:31
|
|
ໃນ10ປີມານີ້ ພາລະກິດຫັດກາຍທົ່ວປວງຊົນຈີນໄດ້ມີການຂະຫຍາຍຕົວຫຼາຍສົມຄວນ
cri
Author: li
ຕາມຂ່າວ CRI: ປີນີ້ແມ່ນລັດຖະບານປະກາດ"ໂຄງຮ່າງແຜນການຫັດກາຍທົ່ວປວງຊົນ"ຄົບຮອບ 10 ປີ,ວັນທີ 14 ກໍລະກົດ ຢູ່ທີ່ປັກກິ່ງ ທ່ານຈ່າງຟ່າຊຽງ ຮອງຫົວໜ້າກົມໃຫຍ່ກິລາແຫ່ງຊາດຈີນກ່າວວ່າ,ໃນ 10 ປີມານີ້ ພາລະກິດຫັດກາຍທົ່ວປວງຊົນຂອງຈີນໄດ້ມີການຂະຫຍາຍຕົວຫຼາຍສົມຄວນ.
ທ່ານຈ່າງຟ່າຊຽງເວົ້າວ່າ,ຄວາມກ້າວໜ້າຂອງພາລະກິດຫັດກາຍທົ່ວປວງຊົນຂອງຈີນໃນ 10 ປີມານີ້ຕົ້ນຕໍສະແດງໃຫ້ເຫັນດັ່ງລຸ່ມນີ້ຄື: ທັດສະນະຄະຕິຫັດກາຍຂອງມວນຊົນເພີ່ມຂຶ້ນຢ່າງເດັ່ນຊັດ; ປະຊາກອນທີ່ເຂົ້າຮ່ວມການຫັດກາຍເລື້ອຍໆນັ້ນເພີ່ມຂຶ້ນຢ່າງເດັ່ນຊັດ,ປັດຈຸບັນໄດ້ກວມປະຊາກອນທົ່ວປະເທດ 33,93% ແລ້ວ,ໄດ້ບັນລຸລະດັບຢູ່ແຖວໜ້າຂອງປະເທດພວມພັດທະນາ; ສະຖານທີ່ແລະອຸປະກອນຫັດກາຍຂອງມວນຊົນໄດ້ຂະຫຍາຍຕົວຢ່າງວ່ອງໄວ,ໄດ້ລົງທຶນຫຼາຍຂຶ້ນຢ່າງເດັ່ນຊັດໃນການກໍ່ສ້າງອຸປະກອນຫັດກາຍຂອງມວນຊົນ; ການຫັດກາຍຂອງມວນຊົນມີຮູບການຫຼາຍຢ່າງຫຼາຍແນວ.
|
|
|
