ຕາມ​ຂ່າວສານ​ຊິນຮວາ,ວັນ​ທີ 15 ກໍລະກົດ,ນັກ​ຂ່າວ​ໄດ້​ຊາບ​ຈາກພາ​ກສ່ວນ​ທີ່​ກ່ຽວຂ້ອງ​ວ່າ,ງານ​ວາງສະ​ແດງ​ປະດິດການ​ສ້າງ​ໃຫມ່​ທົ່ວ​ປະ​ເທດ​ຈີນ​ຄັ້ງ​ທີ 15 ຈະ​ຈັດ​ຂຶ້ນ​ຢູ່​ປັກ​ກິ່ງ​ແຕ່​ວັນ​ທີ 12 ຮອດ​ວັນ​ທີ 15 ກັນຍາປີ​ນີ້

 ຕາມ​ຊາບ​ວ່າ,​ເນື້ອ​ທີ່ງານ​ວາງສະ​ແດງ​ຄັ້ງ​ນີ້ກວ້າງ​ປະມານ 6000 ​ແມັດ​ຕາ,​ສິ່ງວາງສະ​ແດງ​ມີ​ເກືອບ​ພັນລາຍການ,ການວາງສະ​ແດງ​ສ່ວນ​ຫຼາຍ​ແມ່ນ​ລາຍການ​ທີ່​ເຮັດ​ສຳ​ເລັດ​ໃນ​ຫວ່າງ​ມໍ່ໆ​ນີ້​ແລະ​ໄດ້​ຮັບ​ສິດທິ​ບັດ​ຫຼື​ຮ້ອງ​ຂໍ​ສິດທິ​ບັດ,​ແລະ​ລ້ວນ​ແຕ່​ມີ​ລັກສະນະ​​ໃຫມ່​ອ່ຽມ ລັກສະນະ​ປະດິດສ້າງ​ໃຫມ່​ແລະ​ລັກສະນະ​ນຳ​ໃຊ້​,​ລາຍການ​ໄດ້​ກ່ຽວ​ພັນ​ເຖິງຫຼາຍ​ຂົງ​ເຂດ​ຄື​​ເຕັກນິກ​ຂໍ້​ມູນ​ຂ່າວສານ​ເອ​ເລັກ​ໂຕຼນິກ  ກິດຈະການ​ຊີວະ​ຊາດ  ຢຸກຢາ​ແລະ​ເຕັກນິກ​ຊີວະ​ຊາດແພດສາດ  ວັດຖຸ​ດິບ​ອຸປະກອນ​​ໃຫມ່​ແລະ​ພະລັງງານ​ໃຫມ່​ເປັນ​ຕົ້ນ