|
ນັກສຶກສາທີ່ຮຽນຈົບຈາກໂຮງຮຽນຊັ້ນສູງ 8600 ກວ່າຄົນຖືກເລືອກເປັນຜູ້ອາສາສະໝັກຮັບໃຊ້ພາກຕາເວັນຕົກປີ 2005
cri
Author: mo
ຕາມຂ່າວຈາກໜັງສືພິມ"ເຢິນມິນຢື້ປ້າວ": ວັນທີ 17 ກໍລະກົດ, ນັກຂ່າວໄດ້ຊາບຈາກຂະແໜງການທີ່ກ່ຽວຂ້ອງວ່າ, ວຽກງານຄັດເອົານັກສຶກສາອາສາສະໝັກບໍລິການພາກຕາເວັນຕົກຂອງຈີນປີ 2005 ໄດ້ສິ້ນສຸດລົງໃນຫວ່າງມໍ່ໆນີ້, ນັກສຶກສາທີ່ຮຽນຈົບ 8600 ກວ່າຄົນຖືກຮັບເອົາ. ເມື່ອບວກກັບຜູ້ອາສາສະໝັກບໍລິການ 2 ປີຂອງປີ 2004ແລ້ວ, ຍອດຈຳນວນນັກສຶກສາທີ່ສຳເລັດການຮຽນແລ້ວອາສາສະໝັກບໍລິການພາກຕາເວັນຕົກຈະຫລາຍເຖິງ 11 ພັນ 300 ຄົນ.
ຜູ້ອາສາສະໝັກຂອງປີນີ້ຈະເຂົ້າຮ່ວມການອົບຮົບຢ່າງໂຮມສູນໃນທ້າຍເດືອນກໍລະກົດ, ແລ້ວໄປເມືອງທຸກຍາກ 300 ກວ່າເມືອງຢູ່ພາກຕາເວັນຕົກຈີນ, ເຮັດວຽກອາສາສະໝັກ 1 ຫາ 2 ປີໃນດ້ານສຶກສາ ແພດ ແລະກຳສິກຳເປັນຕົ້ນ.
|
|
