|
|
 |
| (GMT+08:00)
2005-07-19 14:48:40
|
 |
|
ວິສາຫະກິດຈີນຫວຽດນາມເຊັນສັນຍາຮ່ວມມືທີ່ມີມູນຄ່າລື່ນກາຍໜຶ່ງຕື້ໂດລາ
cri
Author: da
ຕາມຂ່າວສານຊິນຮວາ: ເທິງເວທີປາໄສນັກທຸລະກິດຈີນຫວຽດນາມທີ່ຈັດຂຶ້ນຢູ່ປັກກິ່ງໃນວັນທີ 19 ກໍລະກົດ, 30 ກວ່າບໍລິສັດຂອງຈີນແລະຫວຽດນາມໄດ້ເຊັນສັນຍາຮ່ວມມືທີ່ມີມູນຄ່າລື່ນກາຍໜຶ່ງຕື້ໂດລາສະຫະລັດໃນຂົງເຂດກົນຈັກແລະເຄື່ອງໄຟຟ້າ ທ່ອງທ່ຽວ ຢຸກຢາແລະການສື່ສານເປັນຕົ້ນ.
ທ່ານຫງຽນຕັນຢຸງ ຮອງນາຍົກລັດຖະມົນຕີຫວຽດນາມໄດ້ກ່າວຄຳປາໄສໃນພິທີລົງນາມໂດຍເວົ້າວ່າ,ສອງປະເທດໄດ້ຮ່ວມມືກັນຢ່າງຮອບດ້ານໃນຂົງເຂດການເມືອງ ເສດຖະກິດ ການຄ້າ ການຕ່າງປະເທດ ການປ້ອງກັນປະເທດແລະວັດທະນະທຳເປັນຕົ້ນ,ນີ້ໄດ້ນຳເອົາຜົນປະໂຫຍດຕົວຈິງມາໃຫ້ປະຊາຊົນສອງຊາດ.
ຕາມຕົວເລກສະຖິຕິຂອງຝ່າຍຈີນ,ຍອດມູນຄ່າການຄ້າລະຫວ່າງຈີນກັບຫວຽດນາມໃນປີ 2004 ໄດ້ບັນລຸ 6 ຕື້ 740 ລ້ານໂດລາສະຫະລັດ.
ທ່ານຫງຽນຕັນຢຸງເວົ້າວ່າ,ຈີນໄດ້ກາຍເປັນຄູ່ຂາການຄ້າໃຫຍ່ກວ່າໝູ່ຂອງຫວຽດນາມ.ຜະລິດຕະພັນ ເຄື່ອງບໍລິໂພກແລະໂຄງການລົງທຶນຂອງຈີນໄດ້ກວມຕະຫຼາດສ່ວນໜຶ່ງຂອງຫວຽດນາມ.ທ່ານເວົ້າວ່າ,ລັດຖະບານຫວຽດນາມຈະສືບຕໍ່ສ້າງສະພາບແວດລ້ອມທາງການລົງທຶນແລະການຄ້າທີ່ດີກວ່າເກົ່າແກ່ຜູ້ລົງທຶນແລະພໍ່ຄ້າຂອງຈີນ,ຊົມເຊີຍວິສາຫະກິດຈີນໄປລົງທຶນຢູ່ຫວຽດນາມຫຼາຍກວ່າເກົ່າ.
|
|
|
