|
ທ່ານຫູຈິນທາວເວົ້າວ່າ,ຈີນຍິນດີສ້າງແລະຂະຫຍາຍການພົວພັນໝູ່ຄູ່ແບບໃໝ່ກັບບັນດາປະເທດອາຟຼີກາ
cri
Author: da
ຕາມຂ່າວCRI: ວັນທີ 15 ສິງຫາຢູ່ທີ່ປັກກິ່ງ ທ່ານຫູຈິນທາວ ປະທານປະເທດຈີນໄດ້ພົບປະທ່ານໂກນາເລ ປະທານຄະນະກຳມາທິການສະຫະພາບອາຟຼີກາໂດຍ ເວົ້າວ່າ, ຈີນຍິນດີສ້າງແລະຂະຫຍາຍການພົວພັນໝູ່ຄູ່ແບບໃໝ່ກັບປະເທດອາຟຼີກາ,ລິເລີ່ມສ້າງສະຖານະພາບໃໝ່ແຫ່ງພາລະກິດມິດຕະພາບຈີນອາຟຼີກາຢ່າງບໍ່ຢຸດຢັ້ງໂດຍຜ່ານເວທີປາໄສການຮ່ວມມືຈີນອາຟຼີກາ ຊຶ່ງເປັນກົນໄກທີ່ບັງເກີດຜົນ.
ທ່ານຫູຈິນທາວເວົ້າວ່າ,ຈີນເອົາໃຈໃສ່ນຳຖານະແລະບົດບາດຂອງອາຟຼີກາ,ຍິນດີເພີ່ມທະວີການພົວພັນມິດຕະພາບແລະຮ່ວມມືກັບສະຫະພາບອາຟຼີກາຕື່ມອີກ,ເປີດກວ້າງການປຶກສາຫາລືແລະການຮ່ວມມືລະຫວ່າງສອງຝ່າຍໃນວຽກງານພາກພື້ນ ການເຄື່ອນໄຫວປົກປັກຮັກສາສັນຕິພາບແລະການອົບຮົມພະນັກງານເປັນຕົ້ນ.
|
|
