|
|
 |
| (GMT+08:00)
2005-08-16 13:30:38
|
 |
|
ແຫ່ງຕ່າງໆຂອງຈີນລະລຶກສົງຄາມປະຊາຊົນຈີນຕໍ່ຕ້ານການຮຸກຮານຂອງຍີ່ປຸ່ນແລະສົງຄາມຕ້ານຟັດຊິດຂອງໂລກໄດ້ຮັບໄຊຊະນະຄົບຮອບ 60 ປີ
cri
Author: li
ຕາມຂ່າວສານຊິນຮວາ: ວັນທີ 15 ສິງຫາ ແຫ່ງຕ່າງໆຂອງຈີນໄດ້ຈັດໃຫ້ມີການເຄື່ອນໄຫວຕ່າງໆ,ລະລຶກສົງຄາມປະຊາຊົນຈີນຕໍ່ຕ້ານການຮຸກຮານຂອງຍີ່ປຸ່ນແລະສົງຄາມຕ້ານຟັດຊິດຂອງໂລກໄດ້ຮັບໄຊຊະນະຄົບຮອບ 60 ປີຢ່າງຄຶກຄື້ນ.
ຕອນຄ່ຳວັນທີ 15 ສິງຫາ ວົງການຕ່າງໆນະຄອນນານກິ່ງ 3 ພັນກວ່າຄົນໄດ້ຈັດການເຄື່ອນໄຫວລະລຶກຢູ່ຫໍລະລຶກພີ່ນ້ອງຮ່ວມຊາດຜູ້ປະສົບເຄາະຮ້າຍໃນການສັງຫານໂຫດຢ່າງຂະໜາດໃຫຍ່ຢູ່ນານກິ່ງຂອງທະຫານຍີ່ປຸ່ນຜູ້ຮຸກຮານຈີນ. ຜູ້ແທນວົງການຕ່າງໆນະຄອນນານກິ່ງໄດ້ເຄາະລະຄັງສັນຕິພາບ,ໃນທ່າມກາງແສງຕາເວັນຍາມແລງ,ມວນຊົນຖືທຽນໄຂແດງຍ່າງວຽນຫໍລະລຶກຮອບໜຶ່ງແລະຈັດພິທີໄວ້ອາໄລຢູ່ໜ້າກຳແພງລາຍຊື່ຜູ້ປະສົບເຄາະຮ້າຍ,ໄວ້ອາໄລດວງວິນຍານຂອງພີ່ນ້ອງຮ່ວມຊາດຜູ້ປະສົບເຄາະຮ້າຍ 3 ແສນຄົນ.
ວັນທີ 15 ສິງຫາ ອົງການຈັດຕັ້ງຕ່າງໆເຊັ່ນສະຫະພັນກຳມະບານຮົງກົງແລະສະຫະພັນສ້າງຮົງກົງປະຊາທິປະໄຕໄດ້ລິເລີ່ມແຫ່ຂະບວນ,ແລະໄປມອບຈົດໝາຍປະທ້ວງໄປຍັງສະຖານກົງສູນໃຫຍ່ຂອງຍີ່ປຸ່ນປະຈຳຮົງກົງຕໍ່ເນື່ອງກັນ,ຮຽກຮ້ອງໃຫ້ລັດຖະບານຍີ່ປຸ່ນຖອດຖອນບົດຮຽນທາງລົບທາງປະຫວັດສາດ,ຢຸດຕິຫຼິ້ນກົນອຸບາຍທຸກຢ່າງທີ່ເວົ້າຍ້ອມສົງຄາມຮຸກຮານ.
ວັນທີ 15 ສິງຫາ ມູນນິທິກອບກູ້ຊ່ອຍເຫຼືອແມ່ຍິງໄຕ້ຫວັນໄດ້ແຫ່ຂະບວນ,ເປັນເພື່ອນນາງບຳເລີທະຫານທີ່ຍັງມີຊີວິດຢູ່ໄຕ້ຫວັນໄປປະທ້ວງຢູ່ໜ້າສະມາຄົມແລກປ່ຽນຂອງຍີ່ປຸ່ນ,ທວງໃຫ້ລັດຖະບານຍີ່ປຸ່ນຂໍຂະມາໂທດຢ່າງເປີດເຜີຍໂດຍໄວ,ແລະໄຊ້ແທນຄ່າເສຍຫາຍແກ່ຜູ້ຖືກທຳຮ້າຍ.
ວັນທີ 15 ສິງຫາ ຢູ່ທີ່ໄຕເປໄດ້ຈັດງານວາງສະແດງພິເສດເພື່ອລະລຶກສົງຄາມປະຊາຊົນຈີນຕໍ່ຕ້ານການຮຸກຮານຂອງຍີ່ປຸ່ນຄົບຮອດບ 60 ປີທີ່ມີວັດຖຸເອກະສານສົງຄາມຕໍ່ຕ້ານຍີ່ປຸ່ນທີ່ສຳຄັນ 300 ກວ່າຢ່າງ. ຢູ່ນະຄອນກ່າວຊົງກໍໄດ້ຈັດໃຫ້ມີການເຄື່ອນໄຫວລະລຶກຕ່າງໆເຊັ່ນງານສົນທະນາແລະງານລາຕີຄອນເສີດເປັນຕົ້ນ.
|
|
|
