|
|
 |
| (GMT+08:00)
2005-08-19 20:27:12
|
 |
|
ກອງປະຊຸມໜ່ວຍຜູ້ຊົງຄຸນວຸດທິຈີນອາຊຽນຄັ້ງປະຖົມມະເລີກຈັດຂຶ້ນຢູ່ຊິງຕາວ
cri
Author: da
ຕາມຂ່າວສານຊິນຮວາ: ກອງປະຊຸມໜ່ວຍຜູ້ຊົງຄຸນວຸດທິຈີນອາຊຽນຄັ້ງປະຖົມມະເລີກໄດ້ຈັດຂຶ້ນຢູ່ເມືອງຊິງຕາວແຂວງຊານຕົງຈີນໃນວັນທີ 18 ແລະວັນທີ 19 ສິງຫາ.ທ່ານຊຽນສີເຊີນ ຜູ້ຊົງຄຸນວຸດທິຂອງຈີນແລະຜູ້ຊົງຄຸນວຸດທິຂອງ 10 ປະເທດອາຊຽນໄດ້ເຂົ້າຮ່ວມກອງປະຊຸມ.
ກອງປະຊຸມໄດ້ຫວນຄືນຄວາມຄືບໜ້າຂງຂະບວນສົນທະນາກັນລະຫວ່າງຈີນກັບອາຊຽນເມື່ອປີ 1991 ເປັນຕົ້ນມາ,ແລະໄດ້ແລກປ່ຽນຄວາມເຫັນຢ່າງມີໄມຕີຈິດແລະເລິກເຊິ່ງກ່ຽວກັບການພົວພັນລະຫວ່າງສອງຝ່າຍໃນປະຈຸບັນແລະທິດຂະຫຍາຍຕົວໃນອະນາຄົດ.ກອງປະຊຸມໄດ້ຈໍ່ຕົວຂຶ້ນເປັນຂອບເບື້ອງຕົ້ນຂອງບົດລາຍງານໜ່ວຍຜູ້ຊົງຄຸນວຸດທິຈີນອາຊຽນ,ແລະຕົກລົງວ່າ ກອງປະຊຸມຄັ້ງທີສອງຈະຈັດຂຶ້ນຢູ່ກົວລາລຳເບີ ນະຄອນຫຼວງມາເລເຊຍໃນກາງເດືອນຕຸລາປີນີ້.
ໜ່ວຍຜູ້ຊົງຄຸນວຸດທິຈີນອາຊຽນແມ່ນສ້າງຕັ້ງຂຶ້ນຕາມຂໍ້ລິເລີ່ມຂອງທ່ານເວີນເຈຍປາວ ນາຍົກລັດຖະມົນຕີຈີນທີ່ສະເໜີໃນກອງປະຊຸມຜູ້ນຳຈີນອາຊຽນຄັ້ງທີ 8 ທີ່ຈັດຂຶ້ນຢູ່ວຽງຈັນຂອງລາວໃນປີກາຍນີ້,ໝາຍຈະຕີລາຄາແລະສະຫຼຸບສະພາບຮ່ວມມືລະຫວ່າງຈີນກັບອາຊຽນໃນ 15 ປີທີ່ຜ່ານມາຢ່າງຮອບດ້ານ,ສະເໜີຂໍ້ສະເໜີນະໂຍບາຍແລະມາດຕະການຮ່ວມມືທີ່ອວ່າຍໜ້າໄປສູ່ອະນາຄົດ,ສະເໜີບົດລາຍງານໃຫ້ກອງປະຊຸມຜູ້ນຳຈີນອາຊຽນປີນີ້.
|
|
|
