ຕາມຂ່າວສານຊິນຮວາ:ວັນທີ24 ສິງຫາ,ທ່ານເຈິງອີນຊວນ ຜູ້ວ່າການເຂດບໍລິຫານພິເສດຮົງກົງກ່າວວ່າ, ເຂດໃນແລະຮົງກົງຂະຫຍາຍການຕິດຕໍ່ພົວພັນກັນຢ່າງສະຫນິດແຫນ້ນກວ່າເກົ່າ,ກໍ່ແມ່ນເພື່ອພະຍາຍາມສຸດຂີດເສີມຂະຫຍາຍທ່າແຮງຂອງ"ສອງລະບອບ"ພາຍໃນ"ປະເທດດຽວ",ແລ້ວຕ່າງຝ່າຍຕ່າງມີຜົນປະໂຫຍດ.
ທ່ານເຈິງອີນຊວນແມ່ນໃຫ້ທັດສະນະດັ່ງກ່າວໃນເວລາກ່າວປາຖະກະຖາໃນງານລ້ຽງອາຫານທ່ຽງທີ່ຈັດຂຶ້ນຢູ່ສະໂມສອນນັກຂ່າວຕ່າງປະເທດຮົງກົງໃນມື້ດຽວກັນ.
ທ່ານເຈິງອີນຊວນກ່າວວ່າ,ຖ້າຮົງກົງຈະກ້າວໄປຫນ້າຕໍ່ໄປ,ກໍຕ້ອງພະຍາຍາມ ເສີມຂະຫຍາຍທ່າແຮງຂອງຕົນ, ຮັກສາການພົວພັນແບບໄຂປະຕູ,ກົງໄປກົງມາ,ຫມັ້ນຄັງແລະເລິກເຊິ່ງກັບລັດຖະບານກາງ.ເຂດໃນແລະຮົງກົງຂະຫຍາຍການພົວພັນສະຫນິດແຫນ້ນກ່ວາເກົ່າບໍ່ຫ່ອນຈະສ້າງຄວາມເສຍຫາຍໃຫ້ແກ່"ສອງລະບອບ".
|