|
ຕາມຂ່າວສານຊິນຮວາ:ແຕ່ວັນທີ5ຮອດວັນທີ17ກັນຍາ,ທ່ານຫູຈີນທາວປະທານປະເທດຈີນຈະໄປຢ້ຽມຢາມອາເມລິກາ ການາດາແລະເມັກຊິກທາງລັດຖະກິດແລະຈະເຂົ້າຮ່ວມກອງປະຊຸມສຸດຍອດວັນສ້າງຕັ້ງອົງການສະຫະປະຊາຊາດຄົບຮອບ60ປີ.ວັນທີ25ສິງຫາ,ໃນເວລາທ່ານຫຼີຈ້າວສີ່ງລັດຖະມົນຕີການຕ່າງປະເທດຈີນໃຫ້ສຳພາດໂດຍສະເພາະຕໍ່ກຂ່າວ,ທ່ານກ່າວວ່າ,ຈຸດປະສົງທ່ານປະທານຫູຈີນທາວໃນການຢ້ຽມຢາມເທື່ອນີ້ແມ່ນເພື່ອສົນທະນາກັນເພິ່ມຂຶ້ນ ເພິ່ມຄວາມໄວ້ເນື້ອເຊື່ອໃຈກັນ ຊຸກຍູ້ການຮ່ວມມືແລະພ້ອມກັນພັດທະນາ.
ທ່ານຫຼີຈ້າວສີ່ງກ່າວວ່າ,ລະຫວ່າງຈີນກັບອາເມລິກາມີຜົນປະໂຫຍດຮ່ວມຢ່າງ ກວ້າງຂວາງແລະສຳຄັນ.ຝ່າຍຈີນຍິນດີຊຸກຍູ້ສາຍພົວພັນການຮ່ວມມືທີ່ມີລັກສະນະສ້າງສັນລະຫວ່າງຈີນກັບອາເມລິກາໃຫ້ຂະຫຍາຍຕົວຕື່ມອີກ,ບົນພື້ນຖານຫຼັກການໃນປະກາດແຈ້ງການຮ່ວມ3ສະບັບຈີນອາເມລິກາ.
ທ່ານຫຼີຈ້າວລີ່ງຍັງແນະນຳວ່າ,ໃນກອງປະຊຸມສຸດຍອດວັນສ້າງຕັ້ງອົງການສະຫະປະຊາຊາດຄົບຮອບ60ປີ,ທ່ານປະທານຫູຈີນທາວຈະບັນລະຍາຍທັດສະນະແລະຫຼັກໝັ້ນຂອງຈີນຕໍ່ສະຖານະການສາສົນໃນສະເພາະໜ້ານີ້ແລະບັນຫາສາກົນທີ່ສຳຄັນ,ແລະຈະສະເໜີເຈດຈຳນົງລະອຽດຕໍ່ບັນຫາຕ່າງໆ,ເຊັ່ນສົ່ງເສີມບົດບາດຂອງອົງການສະຫະປະຊາຊາດ ແລະຊຸກຍູ້ການປະຕິຮູບຂອງອົງການສະຫະປະຊາຊາດເປັນຕົ້ນ.
|
