|
ອົງການອຳນາດຂອງຈີນເຕືອນໃຫ້ລັດຖະບານເຮັດວຽກເສດຖະກິດໃນ 6 ເດືອນທ້າຍປີນີ້ໃຫ້ດີ, ເຈາະຈົງແກ້ໄຂຄວາມຂັດແຍ້ງທີ່ພົ້ນເດັ່ນ
cri
Author: MO
ຕາມຂ່າວCRI：ວັນທີ 28 ສິງຫາຢູ່ທີ່ປັກກິ່ງ, ທ່ານອູປ່າງໂກວ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ, ຄະນະປະຈຳສະພາປະຊາຊົນແຫ່ງຊາດຈີນ ເຊິ່ງເປັນອົງການອຳນາດສູງສຸດຂອງຈີນເຫັນວ່າ, ໃນ 6 ເດືອນທ້າຍປີນີ້, ລັດຖະບານຄວນເຮັດວຽກເສດຖະກິດໃຫ້ດີ, ເຈາະຈົງແກ້ໄຂຄວາມຂັດແຍ່ງແລະບັນຫາທີ່ພົ້ນເດັ່ນຈຳນວນໜຶ່ງ.
ທ່ານອູປ່າງໂກວແມ່ນໃຫ້ທັດສະນະດັ່ງກ່າວໃນກອງປະຊຸມຄັ້ງທີ 17 ຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 10 ທີ່ອັດລົງໃນມື້ດຽວກັນ. ບົດລາຍງານກ່າວວ່າ, ໃນ 6 ເດືອນທ້າຍປີນີ້, ລັດຖະບານຈີນຈະປະຕິບັດນະໂຍບາຍດັດສົມມະຫາພາກຕໍ່ໄປ.
ທ່ານອູປ່າງໂກວກ່າວວ່າ, ສະມາຊິກຄະນະປະຈຳສະພາປະຊາຊົນແຫ່ງຊາດຈີນເຫັນວ່າ, ວຽກງານໃນ 6 ເດືອນທ້າຍປີນີ້ຄວນເອົາການປັບປຸງອົງປະກອບ, ການປະດິດສ້າງວິທະຍາສາດເຕັກນິກໃໝ່, ປະຢັດພະລັງງານ, ເຮັດໃຫ້ການສິ້ນເປືອງຫລຸດໜ້ອຍລົງ, ແລະແກ້ໄຂຄວາມຂັດແຍ່ງຊັ້ນເລິກໄວ້ຢູ່ຖານະພົ້ນເດັ່ນ, ຫັນປ່ຽນວິທີການເຕີບໂຕເສດຖະກິດຢ່າງແທ້ຈິງ, ເຈາະຈົງແກ້ໄຂບັນຫາຕົວຈິງຂອງມວນຊົນຜູ້ທຸກຍາກ.
|
|
