|
ສະພາຈີນຈະຈັດງານຟັງຄຳໃຫ້ການ, ຂໍຄວາມເຫັນນຳບັນດາຝ່າຍກ່ຽວກັບເສັ້ນພື້ນຖານເກັບອາກອນລາຍໄດ້ສ່ວນຕົວບຸກຄົນ
cri
Author: MO
ຕາມຂ່າວCRI: ວັນທີ 28 ສິງຫາຢູ່ທີ່ປັກກິ່ງ, ທ່ານອູປ່າງໂກວ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ, ສະພາປະຊາຊົນແຫ່ງຊາດຈີນ ເຊິ່ງເປັນອົງການນິຕິບັນຍັດຂອງຈີນ ພ້ອມດ້ວຍຄະນະປະຈຳສະພາຈະຈັດງານຟັງຄຳໃຫ້ການເປັນຄັ້ງທຳອິດໃນວັນທີ 27 ຕຸລາ, ເພື່ອຂໍຄວາມເຫັນຂອງບັນດາຝ່າຍກ່ຽວກັບບັນຫາເສັ້ນພື້ນຖານເກັບອາກອນລາຍໄດ້ສ່ວນຕົວບຸກຄົນໃນຮ່າງກົດໝາຍວ່າດ້ວຍອາກອນລາຍໄດ້ສ່ວນຕົວບຸກຄົນສະບັບປັບປຸງ.
ທ່ານອູປ່າງໂກວແມ່ນໃຫ້ທັດສະນະດັ່ງກ່າວໃນກອງປະຊຸມຄັ້ງທີ 17 ຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 10 ທີ່ອັດລົງໃນວັນທີ 28. ໃນໄລຍະກອງປະຊຸມເທື່ອນີ້, ຮ່າງກົດໝາຍວ່າດ້ວຍອາກອນລາຍໄດ້ສ່ວນຕົວບຸກຄົນສະບັບປັບປຸງຖືກຍື່ນໃຫ້ພິຈາລະນາ, ຮ່າງກົດໝາຍໄດ້ຍົກສູງເສັ້ນພື້ນຖານເກັບອາກອນລາຍໄດ້ສ່ວນຕົວບຸກຄົນ, ແລະເພີ່ມຄວາມແຮງໃນການເກັບອາກອນຕໍ່ຜູ້ມີລາຍໄດ້ສູງ, ເພື່ອຫລຸດຄວາມຜິດໂຕນກັນດ້ານການແຈກຢາຍລາຍໄດ້ຂອງປະຊາຊົນຈີນໃນປັດຈຸບັນໃຫ້ໜ້ອຍລົງ.
|
|
