|
ຈີນຍິນດີພ້ອມກັນກັບອິນໂດເນເຊຍຊຸກຍູ້ການຂະຫຍາຍສາຍພົວພັນຄູ່ຂາຍຸດທະສາດຈີນອາຊຽນ
cri
ຕາມຂ່າວＣＲＩ: ວັນທີ 31 ສິງຫາ, ໃນເວລາພົບປະທ່ານຢູຊຸຟ ຄາລາ ຮອງປະທານາທິບໍດີອິນໂດເນເຊຍຢູ່ທີ່ປັກກິ່ງ, ທ່ານເຈິ່ງຊິ້ງຮົງ ຮອງປະທານປະເທດຈີນເວົ້າວ່າ, ຈີນຍິນດີເພີ່ມເນື້ອໃນໃຫ້ສາຍພົວພັນຄູ່ຂາຍຸດທະສາດກັບອິນໂດເນເຊຍຢ່າງບໍ່ຢຸດຢັ້ງ, ແລະຍິນດີພ້ອມກັນກັບອິນໂດເນເຊຍ, ຊຸກຍູ້ສາຍພົວພັນຄູ່ຂາຍຸດທະສາດລະຫວ່າງຈີນກັບອາຊຽນໃຫ້ຂະຫຍາຍຕົວອອກ.
ທ່ານເຈິ່ງຊີ້ງຮົງກ່າວລື້ມວ່າ, ຈີນຈະສືບຕໍ່ຕັ້ງໜ້າສະໜັບສະໜູນວຽກງານສ້າງສາເຂດປະສົບໄພຄື້ນຊືນາມີຢູ່ອິນໂດເນເຊຍຄືນໃໝ່.
ທ່ານຢູຊຸຟກ່າວວ່າ, ລັດຖະບານອິນໂດເນເຊຍເອົາໃຈໃສ່ນຳສາຍພົວພັນຄູ່ຂາຍຸດທະສາດກັບຈີນໃນລະດັບສູງ, ຈະສືບຕໍ່ຍຶດໜັ້ນນະໂຍບາຍປະເທດຈີນດຽວຢ່າງເດັດດ່ຽວ, ຍິນດີເພີ່ມທະວີການແລກປ່ຽນແລະຮ່ວມມືຮອບດ້ານໃນຫຼາຍຂົງເຂດກັບຈີນຕື່ມອີກ, ໃຊ້ທ່າທີຕັ້ງໜ້າ ແລະໄຂປະຕູໃນການຂະຫຍາຍການຮ່ວມມືດ້ານເສດຖະກິດການຄ້າລະຫວ່າງສອງປະເທດ.
|
|
