|
ຕາມຂ່າວ CRI: ວັນທີ 1 ກັນຍາ ຢູ່ລາຊາ ເທສະບານເຂດຕິເບດໄດ້ໄຂກອງປະຊຸມສະຫຼອງວັນສ້າງຕັ້ງເຂດຕິເບດປົກຄອງຕົນເອງຂອງຈີນຄົບຮອບ 40 ປີ. ໃນກອງປະຊຸມ ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນກ່າວວ່າ,ມີແຕ່ຍຶດໝັ້ນການນຳພາຂອງພັກກອມມູນິດຈີນແລະລະບອບເຂດຊົນເຜົ່າປົກຄອງຕົນເອງຈຶ່ງສາມາດຮັກສາຜົນປະໂຫຍດກົກຮາກຂອງປະຊາຊົນເຂດຕິເບດໃຫ້ດີ.
ທ່ານເຈຍຊິ້ງລິນເວົ້າວ່າ,ຜົນສຳເລັດຂອງເຂດຕິເບດປົກຄອງຕົນເອງພາຍຫຼັງສ້າງຕັ້ງຂຶ້ນ 40 ປີມານີ້ຢັ້ງຢືນໃຫ້ເຫັນວ່າ,ການນຳພາຂອງພັກກອມມູນິດຈີນແມ່ນສິ່ງຮັບປະກັນພື້ນຖານໃຫ້ເຂດຕິເບດພັດທະນາກ້າວໜ້າ,ລະບອບເຂດຊົນເຜົ່າປົກຄອງຕົນເອງແມ່ນລະບອບທີ່ຮັບປະກັນໃຫ້ປະຊາຊົນເຂດຕິເບດເປັນເຈົ້າບ້ານຄອງເມືອງ.
ທ່ານເຈຍຊິ້ງລິນກ່າວເນັ້ນວ່າ,ການເພີ່ມທະວີຄວາມສາມັກຄີລະຫວ່າງຊົນເຜົ່າ,ຮັກສາຄວາມເປັນເອກະພາບຂອງປະເທດຊາດແມ່ນຜົນປະໂຫຍດກົກຮາກຂອງປະຊາຊົນບັນດາເຜົ່າຢູ່ເຂດຕິເບດ. ຕ້ອງຍຶດໝັ້ນແລະປົວແປງລະບອບເຂດຊົນເຜົ່າປົກຄອງຕົນເອງຕື່ມອີກ,ປັບປຸງແລະຂະຫຍາຍການພົວພັນລະຫວ່າງຊົນເຜົ່າທີ່ສະເໝີພາບ,ສາມັກຄີແລະກົມກຽວກັນ,ຮັກສາຄວາມເປັນເອກະພາບຂອງປະເທດຊາດ,ປະກອບສ່ວນຫຼາຍກວ່າເກົ່າເຂົ້າໃນການພັດທະນາແລະປັບປຸງວົງຄະນາຍາດຫຼາຍຊົນເຜົ່າຂອງຈີນໃຫ້ໝັ້ນຄົງ.
1 2 3 4 5
|
