|
ຕາມຂ່າວcri:ການເຈລະຈາກ່ຽວກັບບັນຫາການຄ້າສິ່ງປັ່ນທໍລະຫວ່າງຈີນສະຫະພາບເອີລົບທີ່ເລີ່ມແຕ່ວັນທີ4ກັນຍາ,ເມື່ອຮອດຕອນຮຸ່ງເຊົ້າວັນທີ5ຍັງຄົງດຳເນີນຢູ່.
ໃນເວລາຫວ່າງຂອງກອງປະຊຸມ,ທ່ານຈົງຈວນໂຄສົກກະຊວງການຄ້າຈີນໄດ້ເວົ້າຕໍ່ໜັງສືພິມວ່າ,ແຕ່ວັນທີ4ກັນຍາເປັນຕົ້ນໄປຈີນສະຫະພາບເອີລົບກໍ່ເລີ່ມເຈລະຈາບັນຫາສິ່ງປັ່ນທໍທີ່ຈີນຂາຍສະຫະພາບສູ່ເອີລົບ,ທັງສອງຝ່າຍໄດ້ແລກປ່ຽນຄວາມເຫັນຢ່າງເຕັມທີ່.ຝ່າຍຈີນຈະພ້ອມກັບສະຫະພາບເອີລົບຄົ້ນຄວ້າວິທີແກ້ໄຂບັນຫາດ້ວຍທາທີຮ່ວມມືແລະແທດເໝາະ.
ໂຄສົກຜູ່ໜຶ່ງຂອງຄະນະຜູ່ແທນສະຫະພາບເອີລົບກ່າວວ່າ,ທັງສອງຝ່າຍໄດ້ຈັດການເຈລະຈາທີ່ມີລັກສະນະສ້າງສັນ,ແຕ່ໃນບັນຫາສຳຄັນຈຳນວນໜຶ່ງ,ສອງຝ່າຍຍັງບໍ່ທັນໄດ້ກ້າວເຖິງຂັ້ນເປັນເອກະສັນກັນ.ການເຈລະຈາຍັງຈະດຳເນີນຕໍ່ໄປູ,ສອງຝ່າຍກຳລັງຊອກຫາວິທີແກ້ໄຂທີ່ດີ.
|
