|
ຝ່າຍຈີນສະໜັບສະໜູນປະເທດທີ່ກ່ຽວຂ້ອງເຈລະຈາກັບອີຣານເພື່ອແກ້ໄຂບັນຫານິວເຄຼຍຂອງອີຣານ
cri
Author: MO
ຕາມຂ່າວＣＲＩ：ວັນທີ ６ ກັນຍາ, ໃນງານຖະແຫລງຂ່າວທີ່ຈັດຂຶ້ນຢູ່ປັກກິ່ງ, ທ່ານສິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນມີເຈດຈຳນົງໂດຍຕະຫລອດໃຫ້ແກ້ໄຂບັນຫານິວເຄຼຍຂອງອີຣານຢ່າງເໝາະສົມພາຍໃນຂອບອົງການພະລັງງານປະລະມານູສາກົນ, ຝ່າຍຈີນສະໜັບສະໜູນປະເທດທີ່ກ່ຽວຂ້ອງເຈລະຈາກັບອີຣານເພື່ອສະແຫວງຫາວິທີແກ້ໄຂຖາວອນ.
ໃນເວລາຕອບບັນຫາຂອງນັກຂ່າວ, ທ່ານສິນກ່າງກ່າວວ່າ, ຝ່າຍຈີນເຫັນວ່າ, ເຮັດແນວນີ້ແມ່ນສອດຄ່ອງກັບຜົນປະໂຫຍດກົກຮາກຂອງບັນດາຝ່າຍທີ່ກ່ຽວຂ້ອງ, ແລະກໍມີຜົນດີຕໍ່ສັນຕິພາບແລະສະຖຽນລະພາບຂອງພາກພື້ນດັ່ງກ່າວ. ປັດຈຸບັນ, ສະຫະພາບເອີລົບແລະອີຣານຍັງຄົງມີຄວາມເຫັນຂັດກັນບາງຍ່າງໃນບັນຫາກ່ຽວຂ້ອງ, ຝ່າຍຈີນຫວັງໃຫ້ສອງຝ່າຍເບິ່ງໄປທາງໄກ, ຮັກສາຄວາມອົດກັ້ນໄວ້, ເຈລະຈາເພື່ອຕາບຈູນຄວາມເຫັນຂັດກັນດ້ວຍຄວາມອົດທົນ ຕິດແທດຕົວຈິງແລະຄ່ອງແຄ້ວ, ໃນທີ່ສຸດ, ກ້າວເຖິງຂັ້ນຕົກລົງແຜນການແກ້ໄຂທີ່ບັນດາຝ່າຍຮັບເອົາໄດ້.
|
|
