|
ຕາມຂ່າວສານຊິນຮວາ:ວັນທີ6ກັນຍາ,ໃນເວລາທ່ານອີຄູໂອ ຮີຣາຢາມາປະທານສະມາຄົມມິດຕະພາບຍີ່ປຸ່ນຈີນຢ້ຽມຢາມຫໍພິພິທະພັນລະລຶກພີ່ນ້ອງຮ່ວມຊາດທີ່ປະສົບເຄາະຮ້າຍໃນການສັງຫານໂຫດນານກິ່ງຂອງກອງທະຫານຍີ່ປຸ່ນທີ່ຮຸກຮານຈີນ,ທ່ານກ່າວວ່າ,ສົງຄາມຮຸກຮານພາຍນອກໃນສັດຕະວັດແລ້ວນີ້ຂອງຍີ່ປຸ່ນລວມທັງສົງຄາມຮຸກຮານຈີນ,ແມ່ນມໍລະດົກທາງລົບຂອງຍີ່ປຸ່ນ.
ວັນທີ13ທັນວາປີ1937,ກອງທະຫານຍີ່ປຸ່ນທີ່ຮຸກຮານຈີນໄດ້ຍຶດເອົາເມືອງນານກິ່ງນະຄອນຫຼວງຂອງຈີນໃນຄາວນັ້ນ,ແລ້ວໄດ້ດຳເນີນການສັງຫານໂຫດຕໍ່ປະຊາຊົນຈີນແລະທະຫານຈີນທີ່ວາງອາວຸດແລ້ວນັ້ນຢູ່ໃນເມືອງ,ຄົນຈີນປະມານ3ແສນຄົນເສຍຊີວິດ.ໃນຫຼາຍປີມານີ້,ອິດທິກຳລັງປີກຂວາຂອງຍີ່ປຸ່ນພັດພະຍາຍາມສຸດຂີດບິດເບືອນປະຫວັດການຮຸກຮານ,ປະຕິເສດບໍ່ຮັບຮອງການສັງຫານໂຫດນານກິ່ງ.
ທ່ານອີຄູໂອ ຮີຣາຢາມາກ່າວວ່າ,ເພື່ອບໍ່ໃຫ້ໂສກນາດຕະກຳໃນເມື່ອກ່ອນເກີດຂຶ້ນອີກ,ພວກເຮົາຕ້ອງບອກຄວາມຈິງໃນປະຫວັດສາດໃຫ້ຄົນຮຸ່ນຫຼັງຂອງສອງປະເທດຮູ້,ໃຫ້ຈີນຍີ່ປຸ່ນມີສັນຕິພາບແລະມິດຕະພາບຕໍ່ກັນທຸກເຊັ່ນຄົນ.
|
