ຕາມ​ຂ່າວCRI: ວັນ​ທີ 15 ກັນຍາ​ຢູ່​ທີ່​ປັກ​ກິ່ງ, ທ່ານ​ຟູ​ຈືອີງ ຜູ່ຊ່ອຍ​ລັດຖະ​ມົນຕີກະ​ຊວງ​ການ​ຄ້າຈີນ​ກ່າວ​ວ່າ, ​ໃນ​ຫຼາຍ​ປີ​ມາ​ນີ້, ຂະໜາ​ດການ​ຮ່ວມ​ມືດ້ານ​ເສດຖະກິດ​ການ​ຄ້າ​ຈີນ-ອາ​ຊຽນ​ເປີດ​ກວ້າງ​ຢ່າ​ງບໍ່​ຢຸດ​ຢັ້ງ, ລະດັບ​ຮ່ວມ​ມື​ຍົກ​ສູງ​ຂຶ້ນ​ຕື່ມ​ອີກ, ການ​ຮ່ວມ​ມື​ເສດຖະກິດ​ການ​ຄ້າ​ໄດ້​ເຂົ້າ​ສູ່​ໄລຍະ​ສຸວັນນະ.

ທ່ານ​ຟູ​ຈືອີງ​ແມ່ນ​ໃຫ້​ທັດສະນະ​ດັ່ງກ່າວ​ໃນ​ງານ​ຖະ​ແຫຼ​ງຂ່າວ​ທີ່​ຈັດ​ໂດຍຫ້ອງການ​ຖະ​ແຫຼ​ງຂ່າວ​ຄະນະ​ລັດຖະບານ​ຈີນ. ທ່ານ​ເວົ້າ​ວ່າ, ​ແຕ່​ປີ2002ຫາ​ປີ2004, ມູນ​ຄ່າ​ການຄ້າລະຫວ່າງ​ຈີນ-ອາ​ຊຽນ​​ໄດ້​ເພີ່ມ​ຂຶ້ນ​38,9%ຕໍ່​ປີ. ປີ​ກາຍ​ນີ້, ຍອດ​ມູນ​ຄ່າ​ສອງ​ຕໍ່​ສອງ​ໄດ້​ມີ​ເຖິງ105​ຕື້900​ລ້ານ​ໂດ​ລາ​ສະຫະລັດ, ​ເຊິ່ງບັນລຸ​​ເປົ້າ​ໝາຍ​ທີ່​ມູນ​ຄ່າ​ການຄ້າສອງ​ຕໍ່​ສອງ​ຫຼາຍ​ກວ່າ100​ຕື້​ໂດ​ລາ​ສະຫະລັດ​ກ່ອນ​ເວລາ​ກຳນົດ​ປີ​ໜຶ່ງ. ​ເດືອນກໍລະກົດ​ປີ​ນີ້, ສອງ​ຝ່າຍ​ໄດ້​ເລີ່​ມປະຕິບັດ​ແຜນການ​ຫຼຸດ​ພາສີ​ເຂດ​ການ​ຄ້າ​ເສລີ​ຈີນ-ອາ​ຊຽນ, ​ເປັນ​ຂີດ​ໝາຍ​​ສະ​ແດງ​ໃຫ້​ເຫັນ​ວ່າເຂດ​ການ​ຄ້າ​ເສລີ​ຈີນ-ອາ​ຊຽນ​ເຂົ້າ​ສູ່​ໄລຍະ​ປະຕິບັດ​ຕົວ​ຈິງ​ຢ່າງຮອບດ້ານ.