|
|
 |
| (GMT+08:00)
2005-09-19 22:03:01
|
|
ຈີນອາເມລິກາຈະເພີ່ມທະວີການຮ່ວມມືໃນຂົງເຂດວິທະຍາສາດເຕັກນິກ ກະສິກຳຕື່ມອີກ
cri
Author: da
ຕາມຂ່າວCRI: ວັນທີ 19 ກັນຍາ ກະຊວງວິທະຍາສາດເຕັກນິກຈີນກັບກະຊວງກະສິກຳອາເມລິກາໄດ້ເຊັນສັນຍາຢູ່ປັກກິ່ງ,ຕົກລົງວ່າຈະເພີ່ມທະວີການແລກປ່ຽນແລະຮ່ວມມືໃນຂົງເຂດວິທະຍາສາດເຕັກນິກກະສິກຳເຊັ່ນ ການຮັກສານ້ຳແລະດິນ ຄຸນນະພາບເຂົ້າບາເລແລະການຄົ້ນຄວ້າພະຍາດວິທະຍາເປັນຕົ້ນຕື່ມອີກ.
ໃນພິທີລົງນາມ ທ່ານລີແຊຢົງ ຮອງລັດຖະມົນຕີກະຊວງວິທະຍາສາດເຕັກນິກຈີນແນະນຳວ່າ,ໃນສອງປີມານີ້,ຈີນອາເມລິກາໄດ້ຮ່ວມມືກັນຢ່າງບັງເກີດຜົນຕ່າງໆໃນ 6 ຂົງເຂດສຳຄັນຄືເຕັກນິກຊີວະຊາດກະສິກຳ ການຄຸ້ມຄອງຊັບພະຍາກອນທຳມະຊາດ ແລະຄວາມປອດໄພດ້ານອາຫານເປັນຕົ້ນ.ລັດຖະບານທັງສອງປະເທດຍັງຕ່າງໄດ້ອາໄສອົງການຄົ້ນຄວ້າວິທະຍາສາດຂອງຕົນ,ສ້າງຕັ້ງສູນຄົ້ນຄວ້າປະສົມຫຼາຍອົງການ,ເລີ່ມປະຄະບັດໂຄງການໂອນເຕັກນິກງວດໜຶ່ງ.
|
|
|
