|
ຕາມຂ່າວCRI: ວັນທີ 27 ກັນຍາໃນງານຊຸມນຸມນັກຂ່າວປະຈຳທີ່ຈັດຂຶ້ນຢູ່ປັກກິ່ງ, ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ການໄປມາຫາສູ່ກັນລະຫວ່າງຜູ່ນຳຊັ້ນສູງຂອງຈີນກັບຍີ່ປຸ່ນຕ້ອງການບັນຍາກາດອັນດີງາມ, ຫວັງໃຫ້ຝ່າຍຍີ່ປຸ່ນທຳຄວາມພະຍາຍາມຢ່າງຕັ້ງໜ້າ, ປົວແປງບັນຍາກາດແລກປ່ຽນສົນທະນາລະຫວ່າງຜູ່ນຳຊັ້ນສູງຂອງສອງປະເທດໃຫ້ດີຂຶ້ນ.
ທ່ານຊິງກາງຍັງໄດ້ກ່າວວ່າ, ໃນບັນຫາບູຊາວັດຢາຊູຄູນີ, ຫຼັກໝັ້ນຂອງຝ່າຍຈີນແມ່ນບໍ່ປ່ຽນແປງ.
ທ່ານຊິນກ່າງໄດ້ແນະນຳວ່າ, ການປຶກສາຫາລືບັນຫາທະເລຕົ່ງໄຮຈີນຍີ່ປຸ່ນຮອບ 3 ຈະຈັດຂຶ້ນຢູ່ໂຕກຽວຂອງຍີ່ປຸ່ນໃນວັນທີ 30 ກັນຍາ, ຝ່າຍຈີນຫວັງໃຫ້ສອງຝ່າຍຈີນຍີ່ປຸ່ນແກ້ໄຂບັນຫາທີ່ກ່ຽວຂ້ອງຢ່າງເໝາະສົມດ້ວຍການສົນທະນາແລະຫາລືກັນ.
ກ່ຽວກັບຫວ່າງມໍ່ໆນີ້, ບາງສື່ມວນຊົນຍີ່ປຸ່ນຕັ້ງແກ້ງເວົ້າໂຍກທດສະດີ"ການຂົ່ມຂູ່ຂອງຈີນ"ໃນການລາຍງານຂອງພວກຂະເຈົ້າ, ທ່ານຊິນກ່າງຊີ້ອອກວ່າ, ນີ້ແມ່ນການກະທຳທີ່ມີຈຸດປະສົງເລິກລັບ.
ທ່ານຊິນກ່າງກ່າວວ່າ, ເກາະຕ້ຽວອີ ແລະເກາະດອນບໍລິວານແມ່ນດິນແດນຈີນທີ່ມີມາແຕ່ເດີນ, ສອງຝ່າຍຈີນຍີ່ປຸ່ນມີການວິວາດກັນໃນບັນຫາເກາະຕ້ຽວອີຂຶ້ນກັບໃຜ, ຝ່າຍຈີນມີເຈດຈຳນົງໃຫ້ແກ້ໄຂບັນຫາຢ່າງເໝາະສົມດ້ວຍການເຈລະຈາກັນ.
ທ່ານຊິນກາງຍັງກ່າວວ່າ, ຝ່າຍຈີນຫວັງໃຫ້ຝ່າຍຍີ່ປຸ່ນປະຕິບັນຄຳໝັ້ນສັນຍາຂອງຕົນທີ່ສຳຫຼວດປະຫວັດສາດ, ເຄົາລົບຈິດອາລົມຂອງປະຊາຊົນປະເທດປະສົບເຄາະຮ້າຍ, ເອົາໃຈໃສ່ແລະແກ້ໄຂບັນຫາຂອງຕົນຢ່າງເໝາະສົມ.
ທ່ານຊິນກາງເວົ້າວ່າ, ເອົາທັດສະນະປະຫວັດສາດອັນຖຶກຕ້ອງມາໃຫ້ການສຶກສາແກ່ປະຊາຊົນປະເທດຕົນໂດຍສະເພາະແມ່ນຊາວໜູ່ມເຍົາວະຊົນແມ່ນໜ້າທີ່ຮັບຜິດຊອບຂອງລັດຖະບານ.
|
