|
"ການພົບປະຢ່າງມີໄມຕີຈິດລະຫວ່າງຊາວໜຸ່ມອາຊຽນກັບຈີນ ຍີ່ປຸ່ນ ສເກົາຫຼີ"ຄັ້ງທຳອິດໄດ້ຈັດຂຶ້ນຢູ່ຈີນ
cri
ຕາມຂ່າວສານຊິນຮວາ: ວັນທີ 27 ກັນຍາ, "ການພົບປະຢ່າງມີໄມຕີຈິດລະຫວ່າງຊາວໜຸ່ມອາຊຽນ ກັບຈີນ ຍີ່ປຸ່ນ ສເກົາຫຼີ"ຄັ້ງທຳອິດໄດ້ຈັດຂຶ້ນຢູ່ນະຄອນອູຊີ່ ແຂວງຈ່ຽງຊູ່ທີ່ຢູ່ພາກຕາເວັນອອກຂອງຈີນ, ຜູ້ນຳຊາວໜຸ່ມ, ນັກທຸລະກິດຊາວໜຸ່ມແລະນັກປາດຊາວໜຸ່ມທີ່ມາຈາກບັນດາປະເທດອາຊຽນ, ຍີ່ປຸ່ນ, ສເກົາຫຼີແລະຈີນລວມ 130 ກວ່າຄົນໄດ້ເຂົ້າຮ່ວມການເຄື່ອນໄຫວເທື່ອນີ້.
ໃນໄລຍະການເຄື່ອນໄຫວ, ຜູ້ນຳຊາວໜຸ່ມໄດ້ດຳເນີນການແລກປ່ຽນໂດຍໝູນອ້ອມຫົວຂໍ້: ເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພັດທະນາພ້ອມກັນ, ນັກປາດຊາວໜຸ່ມໄດ້ຫາລືກ່ຽວກັບອະນາຄົດການຮ່ວມມືລະຫວ່າງອາຊຽນ ກັບຈີນ, ຍີ່ປຸ່ນ, ສເກົາຫຼີ, ສ່ວນນັກທຸລະກິດຊາວໜຸ່ມບັນດາປະເທດໄດ້ເປິກສາຫາລືໂຄງການຕ່າງໆ.
|
|
