|
|
 |
| (GMT+08:00)
2005-10-11 21:44:16
|
 |
|
ເຈົ້າໜ້າທີ່ລັດຖະບານຍີ່ປຸ່ນມາຊຳລະແກ້ໄຂບັນຫາອາວຸດເຄມີທີ່ທະຫານຍີ່ປຸ່ນຮຸກຮານຈີນປະໄວ້ຢູ່ຈີນ
cri
Author: da
ຕາມຂ່າວCRI: ວັນທີ 11 ຕຸລາ ໃນງານຊຸມນຸມນັກຂ່າວ ທ່ານຂົງສວນ ໂຄສົກກະຊວງການຕ່າງປະເທດຈີນເວົ້າວ່າ,ທ່ານທາຄີຊີ ອີລີຄາວາ ຮອງລັດຖະມົນຕີກະຊວງວຽກງານພາຍໃນລັດຖະບານຍີ່ປຸ່ນຈະມາຢ້ຽມຢາມຈີນແຕ່ວັນທີ 11 ຫາວັນທີ 15 ຕຸລາ,ຜູ້ຮັບຜິດຊອບທີ່ກ່ຽວຂ້ອງຂອງຈີນຈະຫາລືກັນກັບທ່ານທາຄີຊີ ອີລີຄາວາກ່ຽວກັບການຊຳລະແກ້ໄຂບັນຫາອາວຸດເຄມີທີ່ທະຫານຍີ່ປຸ່ນຮຸກຮານຈີນປະໄວ້ຢູ່ຈີນ.
ທ່ານຂົງສວນແນະນຳວ່າ,ນອກຈາກປັກກິ່ງແລ້ວ,ທ່ານທາຄີຊີ ອີລີຄາວາຍັງຈະໄປສຳຫຼວດບ່ອນຝັງອາວຸດເຄມີທີ່ຍີ່ປຸ່ນປະໄວ້ຢູ່ເມືອງຕຸ່ນຮ້ວາແຂວງຈິລິນ.ຝ່າຍຈີນທວງໃຫ້ລັດຖະບານຍີ່ປຸ່ນຈົ່ງປະຕິບັດຄຳໝັ້ນສັນຍາຕາມ"ສົນທິສັນຍາເກືອດຫ້າມອາວຸດເຄມີ"ຂອງສະຫະປະຊາຊາດແລະ"ບົດບັນທຶກຊ່ອຍຈຳ"ທີ່ລັດຖະບານຈີນກັບຍີ່ປຸ່ນເຊັນກັນ,ຮັບແບກໜ້າທີ່ລົບລ້າງອາວຸດເຄມີທີ່ທະຫານຍີ່ປຸ່ນຮຸກຮານຈີນປະໄວ້ຢູ່ຈີນນັ້ນໃຫ້ໝົດກ້ຽງ,ແລະສະໜອງທຶນ ເຕັກນິກ ຜູ້ຊ່ຽວຊານ ສິ່ງກໍ່ສ້າງແລະຊັບພະຍາກອນອື່ນໆທີ່ຈຳເປັນເພື່ອລົບລ້າງອາວຸດເຫຼົ່ານີ້,ໃນຂະບວນການດັ່ງກ່າວ,ຝ່າຍຈີນຈະໃຫ້ການຊ່ອຍເຫຼືອ.
|
|
|
