|
|
 |
| (GMT+08:00)
2005-10-14 10:54:54
|
|
ຍານອະວະກາດເຊີນໂຈ່ວເລກ 6 ຮັກສາໂຄຈອນຄັ້ງທຳອິດຢ່າງສຳເລັດຜົນ
cri
Author: li
ຕາມຂ່າວສານຊິນຮວາ: ເວລາ 5 ໂມງ 56 ນາທີຂອງວັນທີ 14 ຕຸລາເວລາປັກກິ່ງ,ໃນໄລຍະບິນອ້ອມໜ່ວຍໂລກຮອບທີ 30 ນັ້ນ ຍານອະວະກາດເຊີນໂຈ່ວເລກ 6 ໄດ້ຮັກສາໂຄຈອນເປັນຄັ້ງທຳອິດຫຼັງຈາກປ່ຽນໂຄຈອນແລ້ວ. ການລາຍງານຂອງນັກບິນອະວະກາດແລະຜົນການຕິດຕາມວັດແທກຢູ່ໜ້າດິນສະແດງໃຫ້ເຫັນວ່າ,ການຮັກສາໂຄຈອນໄດ້ສຳເລັດຜົນຢ່າງເຕັມເມັດເຕັມໜ່ວຍ.
ຕາມຊາບວ່າ,ຍານອະວະກາດເຊີນໂຈ່ວເລກ 6 ໄດ້ບິນເກືອບ 2 ມື້ແລ້ວ,ຄວາມສູງຂອງໂຄຈອນໄດ້ເສື່ອມລົງບາງເລັກໜ້ອຍ. ການຮັກສາໂຄຈອນເປັນການສັບຊ້ອນຄວາມສູງຂອງການບິນຂອງຍານອະວະກາດເລັກໜ້ອຍຕາມຕົວຈຳແນກຂອງໂຄຈອນທີ່ວັດແທກຢ່າງຖືກຕ້ອງ,ເຮັດໃຫ້ຍານອະວະກາດບິນຕາມໂຄຈອນປົກກະຕິທີ່ກຳນົດໄວ້ກ່ອນຢ່າງໝັ້ນທ່ຽງ,ເພື່ອຈະໄດ້ລົງຈອດຢູ່ບ່ອນທີ່ກຳນົດໄວ້ກ່ອນຢ່າງຖືກຕ້ອງໃນເວລາບິນກັບຄືນໜ້າດິນ.
|
|
|
