|
|
 |
| (GMT+08:00)
2005-10-20 21:24:44
|
 |
|
ນັກປາດຂອງສອງຝັ່ງລະລຶກໄຕ້ຫວັນກັບຄືນຄົບຮອບ 60 ປີຢູ່ນະຄອນຊຽງໄຮ້
cri
Author: da
ຕາມຂ່າວສານຊິນຮວາ: ວັນທີ 25 ຕຸລາ ປີ 1945,ໄຕ້ຫວັນໄດ້ສິ້ນສຸດການປົກຄອງແບບລ່າເມືອງຂຶ້ນຂອງຍີ່ປຸ່ນທີ່ຍືດເຍືອມາ 50 ປີ,ໄຕ້ຫວັນໄດ້ກັບຄືນສູ່ປິຕຸພູມ.ເນື່ອງໃນໂອກາດວັນລະລຶກໄຕ້ຫວັນກັບຄືນຄົບຮອບ 60 ປີໃກ້ຈະວຽນມາເຖິງ,ວັນທີ 20 ຕຸລາ ນັກປາດຂອງສອງຝັ່ງໄດ້ຈັດງານສຳມະນາວິຊາການຢູ່ນະຄອນຊຽງໄຮ້,ສະຫຼອງກາລະເວລາທີ່ມີຄວາມໝາຍລະລຶກດັ່ງກ່າວ,ແລະຈ້ອງມອງພາບອະນາຄົດແຫ່ງການພົວພັນລະຫວ່າງສອງຝັ່ງ.
ນັກປາດຂອງສອງຝັ່ງທີ່ເຂົ້າຮ່ວມງານສຳມະນາ ໄດ້ທົບທວນປະຫວັດສາດປະຊາຊົນໄຕ້ຫວັນຕໍ່ຕ້ານການປົກຄອງແບບລ່າເມືອງຂຶ້ນຂອງຍີ່ປຸ່ນ,ພ້ອມດ້ວຍຄວາມໝາຍອັນຍິ່ງໃຫຍ່ທີ່ໄຕ້ຫວັນໄດ້ກັບຄືນສູ່ປິຕຸພູມ. ນັກປາດທັງຫຼາຍເປັນເອກະສັນກັນເຫັນວ່າ,ການຫວນຄືນແລະສຳຫຼວດປະຫວັດສາດຕອນນີ້ຄືນໃໝ່ຢ່າງຈິງຈັງນັ້ນ,ແມ່ນມີຄວາມໝາຍສຳຄັນຕໍ່ການຊຸກຍູ້ການພົວພັນລະຫວ່າງສອງຝັ່ງໃຫ້ຂະຫຍາຍຕົວ ແລະຊຸກຍູ້ໃຫ້ປະຊາຊາດຈີນໂຮມເຂົ້າເປັນເອກະພາບກັນໂດຍສັນຕິ.
|
|
|
