|
ຕາມຂ່າວສານຊິນຮວາ:ຂ່າວຈາກສຳນັກງານຖະແຫລງຂ່າວຂອງອົງການປົກຄອງເຂດພິເສດຮົງກົງ,ວັນທີ21 ຕຸລາ,ທ່ານຮວງເຈຍຟູ ຮອງລັດຖະມົນຕີກະຊວງການສາທາລະນະສຸກຈີນ,ທ່ານໂຈວອີຢົ້ວ ຫົວຫນ້າພະແນກສາທາລະນະສຸກສະຫວັດດີການອາຫານອົງການປົກຄອງເຂດພິເສດຮົງກົງແລະທ່ານຊຸຍຊີ້ອານຫົວຫນ້າພະແນກສັງຄົມແລະວັດທະນະທຳອົງການປົກຄອງເຂດພິເສດມາກາວຮ່ວມກັນລົງນາມໃນສັນຍາຮ່ວມມືກ່ຽວກັບກົນໄກຮັບມືເຫດການສຸກເສີນດ້ານສາທາລະນະສຸກຢູ່ນະຄອນຄຸນມິງ ແຂວງຢຸນນານ.
ຕາມຊາບວ່າ,ສັນຍາສະບັບນີ້ແມ່ນເຊັນກັນໃນກອງປະຊຸມປະສົມຊັ້ນສູງຝ່າຍບໍລິຫານສາທາລະນະສຸກຄັ້ງທີ4ທີ່ຈັດຂຶ້ນຢູ່ນະຄອນຄຸນມິງ.
ຕາມສັນຍາ,ໃນຕໍ່ໄປພາຍຫນ້າ, ໃນເວລາເກີດເຫດການສຸກເສີນສຳຄັນດ້ານສາທາລະນະສຸກບໍ່ວ່າຈະຢູ່ແຫ່ງໃດ,ເຂດໃນ,ຮົງກົງແລະມາກາວສາມາດສ້າງກົນໄກປະສານສົມທົບແລະສະຫນັບສະຫນູນເຊິ່ງກັນແລະກັນໃນດ້ານແຮງຄົນ,ເຕັກນິກແລະວັດສະດຸ.ສາມຝ່າຍກໍສາມາດສົ່ງນັກວິຊາການເຂົ້າຮ່ວມການຊຳລະແກ້ໄຂເຫດການພາຍຫລັງຮັບຄວາມເຫັນດີຈາກຝ່າຍກ່ຽວຂ້ອງ.
|
