|
ໃນ 5 ປີຂ້າງໜ້າ,ຄົນຈີນທີ່ຕິດເຊື້ອໂຣກເອດສ໌ ມີຫວັງຈະຖືກຄວບຄຸມໄວ້ຢູ່ໃນ 1 ລ້ານ 5 ແສນຄົນ
cri
Author: da
ຕາມໜັງສືພິມຊາວໜຸ່ມປັກກິ່ງລາຍງານວ່າ: ວັນທີ 22 ຕຸລາ ທ່ານຕ້າຍຈື້ເຊີງ ປະທານສະມາຄົມປ້ອງກັນແລະປີ່ນປົວໂຣກເອດສ໌ແລະພະຍາດເພດຂອງຈີນກ່າວວ່າ,ພາຍຫຼັງຈີນໃຊ້ມາດຕະການອັນຕັ້ງໜ້າແລະບັງເກີດຜົນໃນດ້ານການປ້ອງກັນແລະປີ່ນປົວພະຍາດໂຣກເອດສ໌,ທັງສະໜອງຄ່າໃຊ້ອັນພຽງພໍແລ້ວ,ຈີນມີຫວັງຄວບຄຸມຈຳນວນຄົນຕິດເຊື້ອໂຣກເອດສ໌ໃຫ້ໄວ້ຢູ່ໃນ 1 ລ້ານ 5 ແສນຄົນໃນປີ 2010.
ໃນກອງປະຊຸມ"ເວທີປາໄສສາກົນແພດສາດທາງເພດຂອງຈີນຄັ້ງປະຖົມມະເລີກ"ທີ່ຈັດຂຶ້ນຢູ່ນະຄອນຈຸງກິງ,ທ່ານຕ້າຍຈື້ເຊີງເວົ້າວ່າ,ລັດຖະບານຈີນເອົາໃຈໃສ່ທີ່ສຸດຕໍ່ວຽກງານປ້ອງກັນແລະປີ່ນປົວພະຍາດໂຣກເອດສ໌,ໃນຫຼາຍປີມານີ້ ສູນກາງແລະອົງການປົກຄອງທ້ອງຖິ່ນໄດ້ລົງທຶນຫຼາຍຕື້ຢວນໃນດ້ານການປ້ອງກັນແລະປີ່ນປົວໂຣກເອດສ໌.
ຕາບໄດ້ຊາບ,ປະຈຸບັນຢູ່ຈີນ ມີຜູ້ຕິດເຊື້ອໂຣກເອດສ໌ 8 ແສນ 4 ໝື່ນຄົນ,ຜູ້ເປັນໂຣກເອດສ໌ 8 ໝື່ນຄົນ.ພະຍາດໂຣກເອດສ໌ມີທ່ວງທ່າແຜ່ລະບາດກວ້າງກວ່າເກົ່າ.
|
|
