|
ຈີນພວມໃຊ້ມາດຕະການລົບລ້າງຄວາມດູໝິ່ນຜູ້ເປັນໂຣກເອດສ໌ໃນສັງຄົມ
cri
ຕາມຂ່າວCRI: ວັນທີ 27 ຕຸລາ, ຢູ່ນະຄອນຊູໂຈ່ວທີ່ຕັ້ງຢູ່ພາກຕາເວັນອອກຂອງຈີນ, ທ່ານວາງລົງເຕີ ລັດຖະມົນຕີຊ່ວຍວ່າການກະຊວງສາທາລະນະສຸກຈີນກ່າວວ່າ, ກ່ອນທ້າຍປີໜ້າ, ຈີນຈະຈັດການອົບຮົມຄວາມຮູ້ກ່ຽວກັບໂຣກເອດສ໌ໃຫ້ພະນັກງານນຳສ່ວນຫຼາຍທີ່ສຸດ, ເພື່ອເສີມຂະຫຍາຍບົດບາດເປັນແບບຢ່າງຂອງແລະພະນັກງານນຳໃນດ້ານລົບລ້າງຄວາມດູໝິ່ນຜູ້ເປັນໂຣກເອດສ໌ໃນສັງຄົມ.
ທ່ານຍັງແນະນຳວ່າ, ການລົບລ້າງຄວາມດູໝິ່ນຜູ້ເປັນໂຣກເອດສ໌ໃນສັງຄົມແມ່ນມາດຕະການສຳຄັນຢ່າງໜຶ່ງໃນການເພີ່ມທະວີການປ້ອງກັນປິ່ນປົວໂຣກເອດສ໌ ຂອງຈີນ. ປີມໍ່ໆມານີ້, ຈີນໄດ້ເຮັດວຽກຫຼວງຫຼາຍໃນດ້ານນິຕິບັນຍັດແລະໂຄສະນາ, ແລະໄດ້ຮັບຜົນເປັນຢ່າງດີ.
|
|
