ຕາມ​ຂ່າວCRI: ວັນ​ທີ 31 ຕຸລາ​​ໃນ​ງານ​ຖະ​ແຫຼ​ງຂ່າວ​ທີ່​ຈັດ​ຂຶ້ນ​ຢູ່​ປັກ​ກິ່ງ, ທ່ານ​ໂຈ່​ວຢົງ​ເຊີງ ຫົວໜ້າ​ກົມອະນຸ​ລັກສັດ​ແລະ​ພືດປ່າ​ຂອງ​ກົມປ່າ​ໄມ້​ແຫ່ງ​ຊາດ​ຈີນ​ກ່າວ​ວ່າ, ​ໃນ​ຫຼາຍ​ປີ​ມາ​ນີ້,​ ໂດຍ​ຜ່ານ​ຈາກ​ການປະຕິບັດ​ໂຄງການກໍ່​ສ້າງ​ຊີວະ​ພາບ​ທີ່​ມີ​ຈຸດ​ປະສົງ​ອະນຸລັກ​ສັດ​ແລະ​ພືດປ່າ​ແລະ​ສະພາບ​ແວດ​ລ້ອມ​ທີ່ສັດ​ແລະ​ພືດປ່າ​ອາ​ໄສ​ຢູ່ ຈີນ​ໄດ້​ເພີ່ມ​ຈຳນວນ​ຊັບພະຍາກອນ​ສັດແລະ​ ພືດປ່າ​ຢ່າງ​ບັງ​ເກີດ​ຜົນ.

ທ່ານ​​ແນະນຳ​ວ່າ, ​ແຕ່​ປີ2001​ເປັນ​ຕົ້ນ​ມາ, ຈີນ​ໄດ້​ເລີ່​ມຕົ້ນ​ປະຕິບັດ​ໂຄງການກໍ່ສ້າງ​​ເຂດ​ອະນຸລັກ​ສັດ​ແລະ​ພືດ​ປ່າ​ແລະເຂດ​ສະຫງວນ​ທຳ​ມະ​ຊາດ. ​ໃນ​ສີ່​ປີ​ທີ່​ຜ່ານ​ມາ, ຈີນ​ໄດ້​ສ້າງ​ເຂດ​ສະຫງວນ​ທຳ​ມະ​ຊາດ 760 ກວ່າ​ແຫ່ງ, ຍອດ​ຈຳນວນ​ເຂດ​ສະຫງວນ​ທຳ​ມະ​ຊາດ​ໄດ້​ມີ 1600 ກວ່າ​ແຫ່ງ, ​ໄດ້​ອະນຸ​ລັກ​ສັດ​ແລະ​ພຶດປ່າ​ທີ່​ຫາ​ຍາກ​ແລະ​ມໍ່​ຈະ​ສູນພັນ​ຮ້ອຍ​ກວ່າ​ປະ​ເພດ​ຄື ໝີ​​ແພນດາ ​ເສືອ ​​ແລະ ລີງ​​ໄໝ​ຄຳເປັນ​ຕົ້ນ. ປັດຈຸບັນ, ຢູ່​ຈີນ​ມີ​ແນວ​ພັນ​ສັດ​ແລະ​ພືດປ່າກວ່າ​ເຄິ່ງໜຶ່ງ​ມີ​ຈຳນວນ​ເພີ່ມ​ຂຶ້ນ, ຊັບພະຍາກອນ​ແນວ​ພັນ​ໄດ້​​ເພີ່ມຂຶ້ນ.