|
ຕາມຂ່າວCRI: ວັນທີ 1 ພະຈິກ, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ, ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ, ຂໍກະແຈທີ່ການພົວພັນລະຫວ່າງຈີນກັບຍີ່ປຸ່ນຄືນສູ່ປົກກະຕິແມ່ນຝ່າຍຍີ່ປຸ່ນບໍ່ພຽງແຕ່ເວົ້າຊື່ໆເທົ່ານັ້ນ,ຍັງຕ້ອງສະແດງໃຫ້ເຫັນຄວາມປາຖະໜາທາງການເມືອງທີ່ປົວແປງແລະຂະຫຍາຍການພົວພັນລະຫວ່າງສອງປະເທດໃນການກະທຳ.
ໃນເວລາຕອບຄຳຖາມຂອງນັກຂ່າວກ່ຽວກັບການພົວພັນລະຫວ່າງຈີນຍີ່ປຸ່ນ, ທ່ານຂົງຊວນເວົ້າວ່າ, ຝ່າຍຈີນມີເຈດຈຳນົງຕະຫຼອດມາວ່າ, ໂດຍຢູ່ບົນພື້ນຖານຫຼັກການໃນເອກກະສານການເມືອງສຳຄັນ3ສະບັບລະຫວ່າງຈີນກັບຍີ່ປຸ່ນເປັນຕະຫຼອດ, ອີງຕາມຈິດໃຈ"ຖືປະຫວັດສາດເປັນແວ່ນແຍງ, ອວ່າຍໜ້າໄປສູ່ອະນາຄົດ" ມາປົວແປງແລະຂະຫຍາຍການພົວພັນລະຫວ່າງສອງປະເທດ.ຝ່າຍຈີນຈະບໍ່ປ່ຽນແປງນະໂຍບາຍພື້ນຖານດັ່ງກ່າວບໍ່ວ່າໃນກໍລະນີໃດ. ຄວາມຫຍູ້ງຍາກໃນການພົວພັນລະຫວ່າງຈີນກັບຍີ່ປຸ່ນໃນສະເພາະໜ້ານີ້, , ໜ້າທີ່ຮັບຜິດຊອບບໍ່ຢູ່ນຳຝ່າຍຈີນ.
ທ່ານເວົ້າວ່າ, ບັນຫານາຍົກລັດຖະມົນຕີຍີ່ປຸ່ນນະມັດສະການວັດຢາຊູຄູນີບໍ່ແມ່ນບັນຫາສົນທະນາ, ຫາກແມ່ນບັນຫາທີ່ກ່ຽວພັນເຖິງຝ່າຍຍີ່ປຸ່ນສາມາດປະຕິບັດຕາມຄຳໝັ້ນສັນຍາຂອງຕົນຢ່າງແທ້ຈິງ, ສຳຫຼວດປະຫວັດສາດຂອງຕົນຢ່າງຕັ້ງໃຈແລະເດີນໄປຕາມເສັ້ນທາງພັດທະນາໂດຍສັນຕິຫຼືບໍ່. ຝ່າຍຈີນເຫັນວ່ານີ້ແມ່ນບັນຫາການເມືອງທີ່ເຄັ່ງຂຶມທີ່ສຸດ.
|
