|
|
 |
| (GMT+08:00)
2005-11-02 15:29:33
|
 |
|
ໂຄສົກຫ້ອງການວຽກງານໄຕ້ຫວັນລັດຖະບານຈີນສະແດງຄວາມເສົ້າສະຫຼົດໃຈຢ່າງສຸດເຊິ້ງຕໍ່ທ່ານມາເຮີ້ຫຼີງເຖິງແກ່ກຳ
cri
Author: da
ຕາມຂ່າວສານຊິນຮວາ: ວັນທີ 2 ພະຈິກ ໂຄສົກຫ້ອງການວຽກງານໄຕ້ຫວັນ ລັດຖະບານຈີນໄດ້ຕອບຄຳຖາມຂອງນັກຂ່າວກ່ຽວກັບທ່ານມາເຮີ້ຫຼີງເຖິງແກ່ກຳຢູ່ໄຕ້ຫວັນວ່າ,ພວກຂ້າພະເຈົ້າສະແດງຄວາມເສົ້າສະຫຼົດໃຈຢ່າງສຸດເຊິ້ງຕໍ່ທ່ານມາເຮີ້ຫຼີງເຖິງແກ່ກຳ,ທັງສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ທ່ານມາຢີງຈູວ ປະທານພັກກົກມິນຕັງຈີນແລະຍາດພີ່ນ້ອງອື່ນຂອງທ່ານມາເຮີ້ຫຼີງ. ໃນຍາມເພິ່ນຍັງມີຊີວິດຢູ່,ທ່ານມາເຮີ້ຫຼີງຍຶດໝັ້ນຫຼັກການຈີນດຽວ ຄັດຄ້ານການເຄື່ອນໄຫວແບ່ງແຍກຂອງອິດທິກຳລັງໄຕ້ຫວັນເປັນເອກະລາດ,ສະແຫວງຫາໃຫ້ທ້ອນໂຮມຈີນເປັນເອກະພາບກັນໂດຍສັນຕິ. ໃນຫຼາຍປີມານີ້, ເຖິງວ່າທ່ານມາເຮີ້ຫຼີງ ອາຍຸສູງແລ້ວກໍຕາມ,ທ່ານຍັງອອກແຮງຂະຫຍາຍການພົວພັນລະຫວ່າງຊ່ອງແຄບສອງຝັ່ງ,ທັງນີ້ເປັນໜ້າໂຄລົບນັບຖື.
ທ່ານມາເຮີ້ຫຼີງ ແມ່ນພໍ່ຂອງທ່ານມາຢິງຈູວ ປະທານພັກກົກມິນຕັງຈີນໄດ້ເຖິງແກ່ກຳຍ້ອນພະຍາດຢູ່ໄຕ້ເປໃນເວລາ 7 ໂມງ 15 ນາທີ ຕອນຄ່ຳວັນທີ 1 ພະຈິກ,ລວມອາຍຸ 85 ປີ.ຫ້ອງການວຽກງານໄຕ້ຫວັນສູນກາງພັກກອມມູນິດຈີນ ສະມາຄົມການພົວພັນສອງຝັ່ງຊ່ອງແຄບ ແຂວງຫູນານແລະເມືອງຊ່ຽງຖານ ບ້ານເກີດຂອງທ່ານມາເຮີ້ຫຼີງຕ່າງໄດ້ສະແດງຄວາມໄວ້ອາໄວເຖິງທ່ານມາເຮີ້ຫຼີງເຖິງແກ່ກຳດ້ວຍຊ່ອງທາງຕ່າງໆແລະຮູບການຕ່າງໆ.
|
|
|
