ຕາມ​ຂ່າວ CRI: ​ໃນ​ງານຊຸມນຸມ​ນັກ​ຂ່າ​ວທີ່​ຈັດ​ຂຶ້ນຢູ່​ປັກ​ກິ່ງ​​ໃນ​ວັນ​ທີ 3 ພະຈິກ ທ່ານ​ຂົງຊວນ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ປະກາດ​ວ່າ,ການ​ເຈລະຈາ 6 ຝ່າຍ​ຮອບ 5 ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີຈະ​ເລີ່ມຈັດ​ຂຶ້ນຢູ່​ປັກ​ກິ່ງ​ແຕ່​ວັນ​ທີ 9 ພະຈິກ​ເປັນຕົ້ນ​ໄປ.

ທ່ານ​ຂົງຊວນ​ກ່າວ​ວ່າ,​ໄລຍະ​ປະຊຸມ​ຂອງ​ການ​ເຈລະຈາ 6 ຝ່າຍ​ຮອບ 5 ຈະ​ຕົກລົງ​ຕາມ​ສະພາບ​ລະອຽດ,ຝ່າຍ​ຈີນ​ມີ​ທ່າ​ທີ​ເປີດ​​ເຜີຍຕໍ່​ເລື່ອງ​ນີ້. ຝ່າຍ​ຈີນ​ສະ​ເໜີ​ໃຫ້​ຈັດ​ກອງ​ປະຊຸມ​ໂດຍ​ແບ່ງ​​ເປັນ​ຂັ້ນຕອນ.

ທ່ານ​ຂົງຊວນ​ເວົ້າວ່າ,​ໃນ​ການ​ເຈລະຈາ,​ບັນດາ​ຝ່າຍ​ຈະ​ຫາລື​ກັນ​ກ່ຽວ​ກັບ​ເຮັດ​ແນວ​ໃດ​ປະຕິບັດ​ຖະ​ແຫຼງການ​ຮ່ວມ​ທີ່​ເຊັນ​ກັນ​ໃນ​ການ​ເຈລະຈາ​ຮອບ 4.