|
|
 |
| (GMT+08:00)
2005-11-04 16:17:23
|
 |
|
ບຸກຄົນວົງການທ່ອງທ່ຽວໄຕ້ຫວັນກ່າວວ່າ ພີ່ນ້ອງຮ່ວມຊາດຂອງແຜ່ນດິນໃຫຍ່ໄປທ່ຽວໄຕ້ຫວັນ ແມ່ນເລື່ອງທີ່ເພິ່ງປາຖະໜາແລະກໍແມ່ນໂອກາດການຄ້າ
cri
Author: da
ຕາມຂ່າວສານຊິນຮວາ: ຫຼາຍມື້ມານີ້ ຄະນະທັດສະນະສຶກສາການທ່ອງທ່ຽວຂອງແຜ່ນດິນໃຫຍ່ທີ່ໄປໄຕ້ຫວັນ ໄດ້ຮັບຄວາມຊົມເຊີຍແລະການຕ້ອນຮັບຢ່າງສຸດຈິດສຸດໃຈຈາກວົງການທ່ອງທ່ຽວໄຕ້ຫວັນ. ບຸກຄົນວົງການທ່ອງທ່ຽວຂອງໄຕ້ຫວັນທະຍອຍກັນກ່າວວ່າ,ການອະນຸຍາດໃຫ້ປະຊາຊົນແຜ່ນດິນໃຫຍ່ທ່ຽວຊົມໄຕ້ຫວັນ ແມ່ນເລື່ອງຖືກໃຈຄົນແລະກໍ່ແມ່ນໂອກາດການຄ້າ.
ທ່ານຈັ່ງເຊເລົາ ປະທານສະມາຄົມທັດສະນາຈອນໄຕ້ຫວັນກ່າວວ່າ, ຄະນະທັດສະນະສຶກສາການທ່ອງທ່ຽວຂອງແຜ່ນດິນໃຫຍ່ມາໄຕ້ຫວັນ,ໄດ້ເລັ່ງລັດບາດກ້າວແລກປ່ຽນທີ່ມີລັກສະນະທາດແທ້ຂອງຂະແໜງການທ່ອງທ່ຽວສອງຝັ່ງ,ໄດ້ສ່ອງແສງໃຫ້ເຫັນຄວາມຈິງໃຈຂອງແຜ່ນດິນໃຫຍ່ໃນການຊຸກຍູ້ໃຫ້ສອງຝັ່ງໄປມາທ່ອງທ່ຽວເຊິ່ງກັນແລະກັນ.
ທ່ານລີຊິງຊົງ ຜູ້ອຳນວຍການໃຫຍ່ຂອງສຳນັກງານທ່ອງທ່ຽວຕົງນານ ຊຶ່ງແມ່ນບໍລິສັດທ່ອງທ່ຽວທີ່ໃຫຍ່ກວ່າໝູ່ຂອງໄຕ້ຫວັນເຫັນວ່າ,ການແລກປ່ຽນການທ່ອງທ່ຽວແລະປະຊາຊົນສອງຝັ່ງໄປມາຫາສູ່ກັນ ແມ່ນເລື່ອງທີ່ຖືກໃຈຄົນແລະແມ່ນແງ່ຂະຫຍາຍທີ່ຕ້ອງເປັນໄປ,ຍິ່ງແມ່ນໂອກາດການຄ້າໃຫຍ່ຂອງນັກທຸລະກິດສອງຝັ່ງ.
|
|
|
