|
|
 |
| (GMT+08:00)
2005-11-06 20:21:27
|
 |
|
ແຫ່ງຕ່າງໆຂອງຈີນເພີ່ມທະວີວຽກງານປ້ອງກັນຄວບຄຸມພະຍາດໄຂ້ຫວັດສັດປີກ
cri
ຕາມຂ່າວສານຊິນຮວາ:ຫຼັງຈາກ 4 ແຂວງແລະເຂດຄືເຂດມົງໂກໃນ ແຂວງອ່ານຮຸ່ຍ ແຂວງຫູນານແລະແຂວງລຽວນິງຂອງຈີນໄດ້ເກີດພະຍາດໄຂ້ຫວັດສັດປີກເປັນລຳດັບແລ້ວ,ແຫ່ງຕ່າງໆໄດ້ພາກັນໃຊ້ມາດຕະການ,ປ້ອງກັນຢ່າງເຄັ່ງຄັດບໍ່ໃຫ້ພະຍາດແຜ່ລະບາດ.
ຕອນເຊົ້າວັນທີ 6 ພະຈິກ,ແຂວງລຽວນິງ ພາກຕາເວັນອອກສຽງເຫນືອຂອງຈີນໄດ້ຈັດງານຖະແຫຼງຂ່າວ,ປະກາດວ່າແຂວງດັ່ງກ່າວໄດ້ອັດຕັນເມືອງເຮ່ຊ່ານທີ່ເກີດພະຍາດໄຂ້ຫວັດສັດປີກນັ້ນທັງຫມົດ,ວັນທີ 5 ພະຈິກ, ເມືອງຊາງຊຸ່ນ ແຂວງຈີລິນໄດ້ເລີ່ມປິດຕະຫຼາດຊື້ຂາຍສັດປີກເປັນທັງຫມົດຢູ່ເຂດດັ່ງກ່າວ,ພ້ອມກັນນັ້ນ,ກໍບັງຄັບສັກວັດແຊວງໃຫ້ສັດລ້ຽງທັງຫມົດ,ພາກສ່ວນອຸດສາຫະກຳການຄ້າທຸກຂັ້ນຂອງແຂວງເຊສວນ ທາງພາກຕາເວັນຕົກສຽງໃຕ້ໄດ້ປະຕິບັດການຕິດຕາມຄຸ້ມຄອງການຊື້ຂາຍທັງຫມົດໃນຕະຫຼາດສັດປີກ,ແຂວງແລະເມືອງຈຳນວນຫນຶ່ງຍັງໃຊ້ມາດຕະການທີ່ສົມຄູ່ກັນເຊັ່ນ,ບູລະນະລະບຽບກວດກາການປຸງແຕ່ງອາຫານຊີ້ນເປັນຕົ້ນ,ປ້ອງກັນບໍ່ໃຫ້ພະຍາດໄຂ້ຫວັດສັດປີກແຜ່ລະບາດ.
ນອກນີ້,ຕາມໄດ້ຊາບ,ອົງການປົກຄອງເຂດພິເສດຮົງກົງໄດ້ຮ່າງແລະດັດແກ້ກົດຂໍ້ກຳນົດກວດກາແລະປ້ອງກັນພະຍາດ,ຈັດເອົາພະຍາດໄຂ້ຫວັດສັດປີກເຂົ້າໃນຕາລາງຜະຫນວກປະເພດພະຍາດຕິດແປດ,ແລະເພື່ອຄ່າໃຊ້ຈ່າຍກາຍ 3 ຕື້ໂດລາຮົງກົງເພື່ອເສີມສ້າງລະບົບປິ່ນປົວ,ເພື່ອປ້ອງກັນແລະຮັບມືກັບພະຍາດຕິດແປດທີ່ປະກົດອອກໃຫມ່ຄືໄຂ້ຫວັດໃຫຍ່ເປັນຕົ້ນຍ້ອນເກີດພະຍາດໄຂ້ຫວັດສັດປີກ
|
|
|
