ຕາມ​ຂ່າວcri:ຕອນ​ເຊົ້າ​ວັນ​ທີ8​ພະຈິກ,ຄະນະ​ຜູ່​ແທນ​ລັດ​ເຊຍ​ທີ່​​ເຂົ້າ​ຮ່ວມ​ການ​ເຈລະ​ຈາ​ຫົກ​ຝ່າຍ​ຮອບ​5ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ​ຮອບ5​​ໄດ້ເດີນ​ທາງ​ຮອດ​ປັກ​ກິ່ງ.

ທ່ານ​ອາ​ເລັກ​ເຊ​​ເຢຟ໌ຫົວ​ໜ້າ​ຄະນະ​ຜູ່​ແທນ​,ຮອງ​ລັດຖະ​ມົນຕີ​ການ​ຕ່າງປະ​ເທດ​ລັດ​ເຊຍ​ແມ່ນຂີ່​ຍົນ​ລຳ​ດຽວ​ກັນ​ກັບ​ຄະນະ​ຜູ່​ແທນ​ສ.ປ.ປ.​​ເກົາຫຼີ​​ທີ່​ມາ​ເຂົ້າ​ຮ່ວມ​ການ​ເຈລະຈາ​ຫົຼກ​ຝ່າຍ​ຄັ້ງ​ນີ້​ຈາກ​ພຽງ​ຢາງ​ເດີນ​ທາງ​ຮອດ​ປັກ​ກິ່ງຫຼັງ​ຈາກສິ້ນ​ສຸດ​ການ​ຢ້ຽມ​ຢາມ​ທາງ​ວຽກ​ງານ​ຕໍ່ສ.ປ.ປ.​​ເກົາຫຼີ​​.ສະມາ​ຊິກ​ອື່ນໆ​ຂອງ​ຄະນະ​ຜູ່​ແທນ​ລັດ​ເຊຍ​ແມ່ນ​ເດີນ​ທາງ​ຈາກໂມ​ສະ​ກູ​ມາ​ຮອດ​ປັກ​ກິ່ງ.ກ່ອນ​ໜ້າ​ນີ້,ຢູ່​ທີ່​ພຽງ​ຢາງ,ທ່ານ​ອາ​ເລັກ​ເຊ​​ເຢຟ໌​​ໄດ້​ຫາລື​ກັບ​ຝ່າຍສ.ປ.ປ.​​ເກົາຫຼີ​​ກ່ຽວ​ກັບ​ບັນຫາ​ທີ່​ກ່ຽວຂ້ອງ​ຂອງ​ການ​ເຈລະຈາ.

ການ​ເຈລະຈາ​ຫົກ​ຝ່າຍຮອບ5ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ​ຈະ​​ເລີ່​ມຈັດ​ຂຶ້ນ​ຢູ່​ທີ່ປັກ​ກິ່ງ​ໃນ​ວັນ​ທີ9​ພະຈິກ.